ខេត្តសៀមរាប និងខេត្តព្រះវិហារ៖ នៅថ្ងៃសៅរ៍ ១០រោច ខែកត្ដិក ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី១៥ ខែវិច្ឆិកា ឆ្នាំ២០២៥ ឯកឧត្តម ឧត្តមសេនីយ៍ឯក មាស ស៊ីផាន អគ្គនាយករង តំណាង ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញចុះត្រួតពិនិត្យជាមួយក្រុមការងារសម្របសម្រួលការរៀបចំទីតាំងសុវត្ថិភាព ជម្រកស្នាក់នៅបណ្តោះអាសន្ន ការដឹកជញ្ជូនការដោះស្រាយសេវាសាធារណៈ សុខាភិបាល និងសន្តិសុខ សណ្ដាប់ធ្នាប់សាធារណៈជូនប្រជាពលរដ្ឋភៀសសឹកនៅខេត្តសៀមរាប និងខេត្តព្រះវិហារ ក្រោមអធិបតីភាព ឯកឧត្ដម អ៊ូច ភា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។

ឯកឧត្តម រដ្ឋលេខាធិការ និងក្រុមការងារអចិន្ត្រៃយ៍ បានអញ្ជើញបន្តចុះពិនិត្យទីតាំងជនភៀសសឹក នៅវត្តពោធិ៍៥០០០ដើម ក្នុងស្រុក គូលែន ខេត្តសៀមរាប និងវត្តត្រពាំងសង្កែ ស្រុកជាំក្សាន្ត ខេត្តព្រះវិហារ។

ដោយមានការអញ្ជើញចូលរួមពី ឯកឧត្តម រដ្ឋលេខាធិការ អនុរដ្ឋលេខាធិការ ឯកឧត្ដម អគ្គនាយករង ឯកឧត្ដម អភិបាល អភិបាលរងខេត្ត និងក្រុមការងារពាក់ព័ន្ធមួយចំនួន។