រាជធានីភ្នំពេញ៖ នៅរសៀលថ្ងៃចន្ទ ១២រោច ខែកត្តិក ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី១៧ ខែវិច្ឆិកា ឆ្នាំ២០២៥ ឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង និងក្រុមការងារបច្ចេកទេស នៃអគ្គនាយកដ្ឋានអត្តសញ្ញាណកម្ម អមដំណើរឯកឧត្តម ប៉ាវ ហម ផាន រដ្ឋលេខាធិការក្រសួងមហាផ្ទៃ ទទួលបន្ទុកការងារអត្តសញ្ញាណកម្ម ចូលរួមកិច្ចប្រជុំពិនិត្យ និងពិភាក្សាលើឯកសារណែនាំ ស្តីពីការអនុវត្តគម្រោងធ្វើអង្កេត ស្តីពី «ការយល់ឃើញរបស់ប្រជាពលរដ្ឋលើប្រសិទ្ធភាព និងគុណភាពនៃការផ្តល់សេវាសាធារណៈពាក់ព័ន្ធនឹងសេវារដ្ឋបាលជូនប្រជាពលរដ្ឋ» ក្រោមអធិបតីភាព ឯកឧត្តម ប៉ូល ពីឌូ រដ្ឋលេខាធិការ ក្រសួងមុខងារសាធារណៈ នៅសាលប្រជុំបាយ័ន នៃសាលាភូមិន្ទរដ្ឋបាល។

កិច្ចប្រជុំនេះ ក៏មានការអញ្ជើញចូលរួមពី ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ ឯកឧត្តម អគ្គនាយក អគ្គលេខាធិការ អគ្គនាយករង អគ្គាធិការរង លោក លោកស្រីប្រធាន អនុប្រធានាយកដ្ឋាន លោក លោកស្រីប្រធានការិយាល័យ នៃក្រសួងស្ថាប័ន ពាក់ព័ន្ធ និងក្រុមការងារបច្ចេកទេសផងដែរ។

ឆាណែលTelegram អគ្គនាយកដ្ឋានអត្តសញ្ញាណកម្ម

-Join Telegram https://t.me/GDI_service_news

-Website http://www.gdi.gov.kh/

-ដើម្បីសាកសួរព័ត៌មាន រៀងរាល់ម៉ោងធ្វើការ ដោយឥតគិតថ្លៃ1271 ឬ017 898 915