ទីស្ដីការក្រសួងមហាផ្ទៃ៖ នៅព្រឹកថ្ងៃសុក្រ ១កើត ខែមិគសិរ ឆ្នាំម្សាញ់ សប្ដស័ក ព.ស. ២៥៦៩ ត្រូវនឹងថ្ងៃទី២១ ខែវិច្ឆិកា ឆ្នាំ២០២៥ ឯកឧត្តម ផុន លីវិរៈ អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមកិច្ចប្រជុំពិនិត្យដោះស្រាយបញ្ហាមួយចំនួនលើរបាយការណ៍វឌ្ឍនភាពនៃការពិនិត្យឡើងវិញ និងវិភាគមុខងាររចនាសម្ពន្ធ័អង្គភាពចំណុះក្រសួងមហាផ្ទៃ ក្រោមអធិបតីភាព ឯកឧត្តម សន្ដិបណ្ឌិត ចាន់ អ៊ាន រដ្ឋលេខាធិការក្រសួងមហាផ្ទៃ។

ក្នុងកិច្ចប្រជុំពិនិត្យដោះស្រាយនេះ ក៏មានការអញ្ជើញចូលរួមពី ឯកឧត្តម អគ្គលេខាធិការ អគ្គនាយក អគ្គនាយករង អនុប្រធានក្រុមប្រឹក្សានីតិកម្ម លោកប្រធាន អនុប្រធាននាយកដ្ឋាន លោកនាយ នាយរងការិយាល័យ និងមន្រ្តីដែលពាក់ព័ន្ធជាច្រើនរូបទៀត។