រាជធានីភ្នំពេញ៖ នៅព្រឹកថ្ងៃសុក្រ ៨កើត ខែមិគសិរ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៨ ខែវិច្ឆិកា ឆ្នាំ២០២៥ ឯកឧត្ដម ឧត្តមសេនីយ៍ឯក សាយ ម៉េងឈាង អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមកិច្ចប្រជុំមន្រ្តីជាន់ខ្ពស់ នៃកិច្ចប្រជុំលើកទី១៣ ស្តីពីកិច្ចសហប្រតិបត្តិការ និងការអភិវឌ្ឍបណ្តាខេត្តជាប់ព្រំដែនកម្ពុជា-វៀតណាម ដឹកនាំដោយឯកឧត្តម ប៊ុន ហុន រដ្ឋលេខាធិការក្រសួងមហាផ្ទៃ និងជាប្រធានមន្រ្តីជាន់ខ្ពស់ នៃព្រះរាជាណាចក្រកម្ពុជា និងឯកឧត្តម ដាំង យ័ងយ៉ាង អនុរដ្ឋមន្រ្តីក្រសួងការបរទេស និងជាសហប្រធានអង្គប្រជុំ នៅសណ្ឋាគាររ៉េស៊ីដង សុខា ភ្នំពេញ។

ក្នុងកិច្ចប្រជុំនេះ ក៏មានការអញ្ជើញចូលរួមពី ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ តំណាងក្រសួងស្ថាប័នពាក់ព័ន្ធ ឯកឧត្តម អគ្គនាយក ឯកឧត្តម អភិបាលខេត្តជាប់ព្រំដែន ឯកឧត្តម លោកជំទាវ អគ្គស្នងការរង អគ្គនាយករង អគ្គលេខាធិការរង អភិបាលរង លោក លោកស្រីប្រធាននាយកដ្ឋាន ក្រុមការងារចំណុះក្រសួងមហាផ្ទៃ និងលោក លោកស្រី តំណាងក្រសួង ស្ថាប័ន ពាក់ព័ន្ធ នៃភាគីវៀតណាមជាច្រេីនរូបទៀត។

ឆាណែលTelegram អគ្គនាយកដ្ឋានអត្តសញ្ញាណកម្ម

-Join Telegram https://t.me/GDI_service_news

-Website http://www.gdi.gov.kh/

-ដើម្បីសាកសួរព័ត៌មាន រៀងរាល់ម៉ោងធ្វើការ ដោយឥតគិតថ្លៃ1271 ឬ017 898 915