អគ្គនាយកដ្ឋានអត្តសញ្ញាណកម្ម៖ នៅព្រឹកថ្ងៃពុធ ១២រោច ខែមិគសិរ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១៧ ខែធ្នូ ឆ្នាំ២០២៥ ឯកឧត្តម អេង ច័ន្ទតារា អគ្គនាយករង និងជាប្រធាននាយកដ្ឋានអត្រានុកូលដ្ឋាន តំណាងដ៏ខ្ពង់ខ្ពស់ ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងពិធីប្រគល់-ទទួល សម្ភារៈបច្ចេកទេសព័ត៌មានវិទ្យា ពីលោក ង៉ែត សត្យា តំណាងអង្គការ UNHCR ដែលបានឧបត្ថម្ភគាំទ្រសម្ភារៈបច្ចេកទេសព័ត៌មានវិទ្យា ជូនដល់អគ្គនាយកដ្ឋានអត្តសញ្ញាណកម្មសម្រាប់គាំទ្រ និងដាក់ដំណើរការអនុវត្តសាកល្បងប្រព័ន្ធចុះបញ្ជីអត្រានុកូលដ្ឋាន នៅខណ្ឌពោធិ៍សែនជ័យ និងខណ្ឌច្បារអំពៅ រាជធានីភ្នំពេញ។

សម្ភារៈបច្ចេកទេសព័ត៌មានវិទ្យា រួមមាន៖

- កុំព្យូទ័រយួរដៃ (Laptop Lenovo) ចំនួន ២១គ្រឿង

- ម៉ាស៊ីនព្រីនធ័រ (Printer) ចំនួន ២១គ្រឿង

- ឧបករណ៍អាន(Barcode Scanner) ចំនួន ២១គ្រឿង

- Webcam ចំនួន ៧គ្រឿង

- USB Hub ចំនួន ២១គ្រឿង

ពិធីប្រគល់-ទទួលសម្ភារៈបច្ចេកទេសព័ត៌មានវិទ្យានេះ មានការអញ្ជើញចូលរួមពីលោក ឧត្តមសេនីយ៍ទោ ឈុន វណ្ណា ប្រធាននាយកដ្ឋានគ្រប់គ្រងប្រព័ន្ធព័ត៌មានវិទ្យា លោកស្រីអនុប្រធាននាយកដ្ឋាន លោក លោកស្រីប្រធានការិយាល័យ និងអនុប្រធានការិយាល័យ ចំណុះនាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្មផងដែរ។