ទីស្ដីការក្រសួងមហាផ្ទៃ៖ នៅរសៀលថ្ងៃអង្គារ ២កើត ខែមាឃ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី២០ ខែមករា ឆ្នាំ២០២៦ លោកជំទាវ ឧត្តមសេនីយ៍ឯក លឹម រស្មី អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមកិច្ចប្រជុំពិនិត្យ និងផ្ដល់យោបល់លេីសេចក្ដីព្រាងស្ដីពី “កិច្ចសហប្រតិបត្តិការដេីម្បីពង្រឹងការប្រយុទ្ធប្រឆាំងអំពេីជួញដូរមនុស្ស និងរត់ពន្ធទេសន្ដរប្រវេសន៍” រវាងព្រះរាជាណាចក្រកម្ពុជា និងសារធារណរដ្ឋសហព័ន្ធប្រេស៊ីល ក្រោមអធិបតីភាព លោកជំទាវ ជូ ប៊ុនអេង រដ្ឋលេខាធិការ ក្រសួងមហាផ្ទៃ និងជាអនុប្រធានអចិន្ត្រៃយ៍ គ.ជ.ប.ជ។

ក្នុងកិច្ចប្រជុំនេះ ក៏មានការអញ្ជើញចូលរួមពី ឯកឧត្តម លោកជំទាវ អគ្គលេខាធិការ គ.ជ.ប.ជ ឯកឧត្តម លោកជំទាវ តំណាងក្រសួងស្ថាប័នពាក់ព័ន្ធ និងលោក លោកស្រី តំណាងអង្គភាពពាក់ព័ន្ធជាច្រើនរូបទៀត។