ទីស្ដីការក្រសួងមហាផ្ទៃ៖ នារសៀលថ្ងៃអង្គារ ២កើត ខែមាឃ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី២០ ខែមករា ឆ្នាំ២០២៦ ឯកឧត្ដម ឧត្ដមសេនីយ៍ឯក ឆេងអុី វីណាវុធ អគ្គនាយករង តំណាង ឯកឧត្តម ឧត្តមសេនីយ៍ឯក បណ្ឌិត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមពិធីបិទសន្និបាតបូកសរុបលទ្ធផលការងារប្រចាំឆ្នាំ២០២៥ និងលើកទិសដៅការងារឆ្នាំ២០២៦ របស់ក្រុមប្រឹក្សាកីឡា ក្រសួងមហាផ្ទៃ ក្រោមអធិបតីភាព ឯកឧត្តម សរ សិទ្ឋិ រដ្ឋលេខាធិការក្រសួងមហាផ្ទៃ តំណាងដ៏ខ្ពង់ខ្ពស់ ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅអាគារ S ទីស្ដីការក្រសួងមហាផ្ទៃ។

ក្នុងពិធីសន្និបាតនេះ មានការអញ្ជើញចូលរួមពី ឯកឧត្ដម អនុរដ្ឋលេខាធិការ ឯកឧត្ដម អគ្គស្នងការរងនគរបាលជាតិ អគ្គនាយករងតំណាងអគ្គនាយកដ្ឋានចំណុះក្រសួងមហាផ្ទៃ ឯកឧត្ដម លោកជំទាវ តំណាងស្ថាប័នចំណុះក្រសួងមហាផ្ទៃ លោក លោកស្រី ប្រធាននាយកដ្ឋានចំណុះក្រុមប្រឹក្សាកីឡា និងមន្ត្រីពាក់ព័ន្ធមួយចំនួន។