ទីក្រុង រ៉ាបាត ប្រទេសម៉ារ៉ុក៖ នៅថ្ងៃអង្គារ ៨រោច ខែមាឃ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី១០ ខែកុម្ភៈ ឆ្នាំ២០២៦ ឯកឧត្តម ឧត្តមសេនីយ៍ទោ ហេង ចំរេីន អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជេីញដឹកនាំគណៈប្រតិភូ នៃអគ្គនាយកដ្ឋានអត្តសញ្ញាណកម្ម ចូលរួមកម្មវិធី MOSIP Country Conversations ដែលរៀបចំឡើងដោយវិទ្យាស្ថានព័ត៍មានវិទ្យាអន្តរជាតិ-បាងគ្លូ និងក្រសួងមហាផ្ទៃ នៃព្រះរាជាណាចក្រម៉ារ៉ុក ។

កម្មវិធីនេះបានប្រព្រឹត្តឡើងនៅ សាកលវិទ្យាល័យ Mohammad VI Polytechnic University (UM6P)-Salé Campus ដោយមានការចូលរួមពីប្រទេសជាដៃគូចំនួន ៣៥ប្រទេស ដែលមានសមាជិកប្រមាណ ១២០រូប របស់ MOSIP ដែលជាវេទិកាជួបជុំគ្នាសម្រាប់ការផ្តល់ឱកាសឱ្យប្រទេសនានា បង្ហាញពីវឌ្ឍនភាព បញ្ហាប្រឈម និងសមិទ្ធផលសំខាន់ៗ ដើម្បីចែករំលែកចំណេះដឹង និងសិក្សារួមគ្នា។