ខេត្តក្រចេះ៖ នាថ្ងៃសុក្រ ១១រោច ខែមាឃ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី១៣ ខែកុម្ភៈ ឆ្នាំ២០២៦ ឯកឧត្តម ស្រេង សុភាព អភិបាលរង នៃគណៈអភិបាលខេត្តក្រចេះ និងលោក យឹម សំអុល អនុប្រធាននាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម បានអញ្ជើញជាសហអធិបតីក្នុងពិធីបើកវគ្គបណ្តុះបណ្តាល តម្រង់ទិសការអនុវត្តការងារអត្រានុកូលដ្ឋានស្របតាមច្បាប់ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម។

ពិធីបើកវគ្គបណ្តុះបណ្តាលនេះ ក៏មានការអញ្ជើញចូលរួមពី ក្រុមការងារអគ្គនាយកដ្ឋានអត្តសញ្ញាណកម្ម តំណាងសាលាដំបូងខេត្ត តំណាងមន្ទីរអប់រំ យុវជននិងកីឡា តំណាងមន្ទីរសុខាភិបាល តំណាងមន្ទីរសង្គមកិច្ច លោកនាយករងរដ្ឋបាលសាលាខេត្ត លោកស្នងការរងនគរបាលខេត្ត នាយករងទីចាត់ការ លោក លោកស្រីប្រធានការិយាល័យស្ថិតិនិងអត្រានុកូលដ្ឋានខេត្ត អភិបាល/អភិបាលរងក្រុងស្រុក មន្រ្តីទទួលការងារអត្រានុកូលដ្ឋានក្រុងស្រុក អធិការរងនគរបាលក្រុងស្រុក មេឃុំចៅសង្កាត់ ស្មៀនឃុំសង្កាត់ លោកនាយប៉ុស្តិ៍នគរបាលរដ្ឋបាល ជំនួយការរដ្ឋបាលឃុំសង្កាត់ និងមន្រ្តីរាជការពាក់ព័ន្ធ សរុបចំនួន៣៦៤នាក់ ស្រី១០៤នាក់។