លិខិតបញ្ជាក់អត្តសញ្ញាណបុគ្គល អាចប្រើជំនួសអត្តសញ្ញាណបណ្ណសញ្ជាតិខ្មែរបាន ក្នុងករណីបាត់អត្តសញ្ញាណបណ្ណសញ្ជាតិខ្មែរ ឬអស់សុពលភាព ដោយមានភ្ជាប់លេខកូដសម្គាល់អត្តសញ្ញាណបុគ្គល (UIC) ព្រមទាំងអាចប្រើប្រាស់ក្នុងគោលបំណងផ្សេងៗដូចជា៖

-ការចុះឈ្មោះចូលរៀន

-ការបំពេញបែបបទបទចូលបម្រើការងារ

-ការចុះបញ្ជីយានយន្ត

-ការបើកគណនីធនាគារ

-ការចុះបញ្ជីពាណិជ្ជកម្ម

-ការចុះកិច្ចសន្យា

-ការប្រើប្រាស់សេវារដ្ឋបាលផ្សេងៗទៀត លើកលែងតែមានប្បញ្ញត្តិដោយឡែក។

លិខិតបញ្ជាក់អំពីភាពត្រឹមត្រូវនៃទិន្នន័យអត្តសញ្ញាណបុគ្គល អាចប្រើប្រាស់ក្នុងករណីមានតម្រូវការប្រើប្រាស់ក្នុងកិច្ចការសំខាន់ៗ ដែលមានបន្ថែមនូវស្នាមខ្ចៅដៃ និងគំរូហត្ថលេខា អាចប្រើប្រាស់ក្នុងកិច្ចការសំខាន់ៗ ដូចជា៖

-សំណុំរឿងរដ្ឋប្បវេណី ឬព្រហ្មទណ្ឌនៅតុលាការ

-ការផ្ទេរមរតក

-ការចុះកិច្ចសន្យាទិញ លក់ ឬផ្ទេរកម្មសិទ្ធិលើចលនវត្ថុ ឬយានយន្ត

-ការបញ្ចាំអចលនវត្ថុ ឬយានយន្ត

- ឬសេវារដ្ឋបាលផ្សេងទៀតដែលមានតម្រូវការចាំបាច់ ក្នុងការផ្ទៀងផ្ទាត់ស្នាមខ្ចៅដៃ ឬគំរូហត្ថលេខា លើកលែងតែមានប្បញ្ញតិដោយឡែក។

លោកអ្នកអាចស្នើសុំ លិខិតបញ្ជាក់អត្តសញ្ញាណបុគ្គល និងលិខិតបញ្ជាក់ភាពត្រឹមត្រូវនៃទិន្នន័យអត្តសញ្ញាណបុគ្គល នៅអគ្គនាយកដ្ឋានអត្តសញ្ញាណកម្ម ស្ថិតតាមបណ្តោយផ្លូវជាតិលេខ១ ភូមិបឹងឈូក សង្កាត់និរោធ ខណ្ឌច្បារអំពៅ រាជធានីភ្នំពេញ។

ឆាណែលTelegram អគ្គនាយកដ្ឋានអត្តសញ្ញាណកម្ម

-Join Telegram https://t.me/GDI_service_news

-Website http://www.gdi.gov.kh/

-ដើម្បីសាកសួរព័ត៌មាន រៀងរាល់ម៉ោងធ្វើការ ដោយឥតគិតថ្លៃ1271 ឬ017 898 915