ខេត្តកោះកុង៖ នៅព្រឹកថ្ងៃអង្គារ ១៥កើត ខែផល្គុន ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី៣ ខែមីនា ឆ្នាំ២០២៥ ឯកឧត្តម ឧត្តមសេនីយ៍ទោ ផុន លីវិរៈ អគ្គនាយករង តំណាង ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមកិច្ចពិភាក្សាជាមួយសមាជិកក្រុមប្រឹក្សាឃុំ-សង្កាត់ ស្មៀនឃុំ-សង្កាត់ នាយប៉ុស្តិ៍នគរបាលរដ្ឋបាលឃុំ-សង្កាត់ និងមន្រ្តីដែលមានសមត្ថកិច្ចពាក់ព័ន្ធ នៅតាមមូលដ្ឋានអំពី “ការចុះបញ្ជីអត្រានុកូលដ្ឋាន” ក្រោមអធិបតីភាព លោកជំទាវ ចាន់ សុទ្ធាវី ប្រធានគណៈកម្មាការនីតិកម្ម និងយុត្ដិធម៌ នៃព្រឹទ្ធសភា។

ពិធីនេះក៏មានការអញ្ជើញចូលរួមពីសំណាក់ ឯកឧត្តម លោកជំទាវ គណៈប្រតិភូអមដំណើរដែលអញ្ជើញមកពីព្រឹទ្ធសភា ឯកឧត្ដម ប្រធានក្រុមប្រឹក្សាខេត្ត ក្រុមការងារអគ្គនាយកដ្ឋានអត្តសញ្ញាណកម្ម អភិបាលរងខេត្ត នាយករងរដ្ឋបាលខេត្ត ស្នងការរង លោក លោកស្រីតំណាងក្រសួង មន្ទីរពាក់ព័ន្ធ លោក លោកស្រីអភិបាល អភិបាលរងស្រុក លោកអធិការរង និងមន្រ្តីជំនាញដែលពាក់ព័ន្ធជាច្រើនរូបទៀត។