អគ្គនាយកដ្ឋានអត្តសញ្ញាណកម្ម៖ នៅរសៀលថ្ងៃអង្គារ ១៥កើត ខែផល្គុន ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី៣ ខែមីនា ឆ្នាំ២០២៦ ឯកឧត្តម ឧត្តមសេនីយ៍ទោ ហេង ចំរើន អគ្គនាយករង និងជាប្រធានក្រុមការងារ ទទួលបន្ទុករួម តំណាង ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញដឹកនាំកិច្ចប្រជុំផ្សព្វផ្សាយ ស្តីពីការប្រើប្រាស់សេវាផ្ទៀងផ្ទាត់ទិន្នន័យអត្តសញ្ញាណបុគ្គល បញ្ជាក់អត្តសញ្ញាណបុគ្គល បញ្ជាក់អំពីភាពត្រឹមត្រូវ នៃទិន្នន័យអត្តសញ្ញាណបុគ្គល និងសេវានីត្យានុកូលកម្ម របស់អគ្គនាយកដ្ឋានអត្តសញ្ញាណកម្ម ជូនដល់ស្ថាប័នមកពីវិស័យឯកជនចំនួន ១១ស្ថាប័ន។

ក្នុងកិច្ចប្រជុំផ្សព្វផ្សាយនេះ មានការអញ្ជើញចូលរួមពី លោកអនុប្រធាននាយកដ្ឋាន ក្រុមប្រចាំការសេវាអត្តសញ្ញាណកម្ម និងប្រតិកម្មរហ័ស នៃអគ្គនាយកដ្ឋានអត្តសញ្ញាណកម្ម លោកប្រធានក្រុមការងារ ព្រមទាំងតំណាងធនាគារ គ្រឹះស្ថានហិរញ្ញវត្ថុ និងវិស័យពាក់ព័ន្ធសរុបចំនួន ២៥នាក់។