រាជធានីភ្នំពេញ៖ នៅថ្ងៃអង្គារ ៧រោច ខែផល្គុន ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១០ ខែមីនា ឆ្នាំ២០២៦ គ្រូឧទ្ទេស ថ្នាក់ជាតិ របស់អគ្គនាយកដ្ឋានអត្តសញ្ញាណកម្ម ចំនួន៤រូប បានចូលរួមគាំទ្រដល់វគ្គបណ្តុះបណ្តាលស្តីពីការចុះបញ្ជីអត្រានុកូលដ្ឋានតាមប្រព័ន្ធអេឡិចត្រូនិក ដល់មន្ត្រីអត្រានុកូលដ្ឋាន និងមន្ត្រីទទួលបន្ទុកការងារអត្រានុកូលដ្ឋាន នៃរដ្ឋបាលសង្កាត់ ចំណុះឱ្យរដ្ឋបាលខណ្ឌមានជ័យ ខណ្ឌឬស្សីកែវ និងខណ្ឌព្រែកព្នៅ ដែលផ្តល់ការបណ្តុះបណ្តាលដោយគ្រូបង្គោលថ្នាក់រាជធានី។ វគ្គបណ្តុះបណ្តាលនេះ រៀបចំឡើងដោយរដ្ឋបាលរាជធានីភ្នំពេញ នឹងប្រពឹ្រត្តទៅរយៈពេលបីថ្ងៃ ចាប់ពីថ្ងៃទី១០ ដល់ថ្ងៃទី១៣ ខែមីនា ឆ្នាំ២០២៦។

វគ្គបណ្តុះបណ្តាលនេះ ក៏មានការអញ្ជើញចូលរួមពី លោកអភិបាលរងខណ្ឌទាំងបី លោក លោកស្រីប្រធានការិយាល័យរដ្ឋបាល និងបុគ្គលិកខណ្ឌ ប្រធានការិយាល័យច្រកចេញចូលតែមួយខណ្ឌ ចៅសង្កាត់ ចៅសង្កាត់រង ស្មៀនសង្កាត់ ជំនួយការរដ្ឋបាល និងជំនួយការហិរញ្ញវត្ថុសង្កាត់ សរុបចំនួន ៧៩រូប។