អាកាសយានដ្ឋានអន្តរជាតិតេជោ៖ នៅព្រឹកថ្ងៃពុធ ៨រោច ខែផល្គុន ឆ្នាំម្សាញ់ សប្ដស័ក ព.ស ២៥៦៩ ត្រូវនឹងថ្ងៃទី១១ ខែមីនា ឆ្នាំ២០២៦ ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានដឹកនាំគណៈប្រតិភូអគ្គនាយកដ្ឋានអត្តសញ្ញាណកម្ម ក្រសួងមហាផ្ទៃ អញ្ជើញទៅបំពេញទស្សនកិច្ចសិក្សានៅប្រទេសសិង្ហបុរី។ ក្នុងដំណើរទស្សនកិច្ចសិក្សានេះដែរ ក៏មានការរួមដំណើរដោយ លោក Amir Khan ប្រធានកម្មវិធីផ្នែកអភិបាលកិច្ច នៃអង្គការ UNDP ប្រចាំកម្ពុជា និងលោក យី កុសលវឌ្ឍនៈ មន្រ្តីសម្របសម្រួលអង្គការ Vital Strategies ប្រចាំកម្ពុជា។​ ដំណើរទស្សនកិច្ចសិក្សានេះ មានរយៈពេល៣ថ្ងៃ ចាប់ពីថ្ងៃទី១១ ដល់ថ្ងៃទី១៣ ខែមីនា ឆ្នាំ២០២៦ ដើម្បីស្វែងរកបទពិសោធន៍ល្អៗ នៃការអនុវត្តការងារអត្តសញ្ញាណកម្ម និងអត្តសញ្ញាណឌីជីថលជាតិ ដោយប្រើប្រាស់កម្មវិធី Singpass នៅប្រទេសសិង្ហបុរី។

អញ្ជើញជូនដំណើរនាឱកាសនេះរួមមាន ឯកឧត្តម អគ្គនាយករង លោកប្រធាននាយកដ្ឋាន លោក លោកស្រីអនុប្រធាននាយកដ្ឋាន និងអស់លោក លោកស្រីចំណុះនាយកដ្ឋានពាក់ព័ន្ធផងដែរ។