ប្រទេសសិង្ហបុរី៖ នៅរសៀលថ្ងៃពុធ ៨រោច ខែផល្គុន ឆ្នាំម្សាញ់ សប្ដស័ក ព.ស ២៥៦៩ ត្រូវនឹងថ្ងៃទី១១ ខែមីនា ឆ្នាំ២០២៦ ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានដឹកនាំគណៈប្រតិភូអគ្គនាយកដ្ឋានអត្តសញ្ញាណកម្ម ក្រសួងមហាផ្ទៃ ជួបប្រជុំពិភាក្សាការងារអជ្ញាធរអន្តោប្រវេសន៍ និងច្រកទ្វារអន្ដរជាតិ (Immigration and Check Point Authority-ICA) នៃក្រសួងមហាផ្ទៃ។ កិច្ចប្រជុំនេះ បានពិភាក្សាលើប្រធានបទ រួមមាន (១) ទិដ្ឋភាពទូទៅ និងដំណើរវិវត្តន៍របស់ ICA (២) ការអនុវត្តការចុះបញ្ជីកំណើត និងមរណភាព (៣) ក្របខណ្ឌអភិបាលកិច្ចទិន្នន័យនិងការផ្តល់អត្តសញ្ញាណបណ្ណ។

កិច្ចប្រជុំពិភាក្សានេះ មានសមាសភាពចូលរួមដោយលោក Amir Khan ប្រធានកម្មវិធីផ្នែកអភិបាលកិច្ច នៃអង្គការ UNDP ប្រចាំកម្ពុជា និងលោក Romain Santon នាយករងប្រចាំតំបន់ Vital Strategies ព្រមទាំងថ្នាក់ដឹកនាំ និងមន្ត្រីជំនាញ នៃអគ្គនាយកដ្ឋានអត្តសញ្ញាណកម្ម ក្រសួងមហាផ្ទៃកម្ពុជា និងអាជ្ញាធរអន្តោប្រវេសន៍ និងច្រកទ្វារអន្ដរជាតិ ក្រសួងមហាផ្ទៃសិង្ហបុរី។