ទីស្ដីការក្រសួងមហាផ្ទៃ៖ នៅព្រឹកថ្ងៃចន្ទ ១៣រោច ខែផល្គុន ឆ្នាំម្សាញ់ សប្ដស័ក ព.ស ២៥៦៩ ត្រូវនឹងថ្ងៃទី១៦ ខែមីនា ឆ្នាំ២០២៦ ឯកឧត្តម ឧត្តមសេនីយ៍ទោ ផុន លីវិរៈ អគ្គនាយករង តំណាងឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងកិច្ចប្រជុំពិភាក្សាស្ដីពីតម្រូវការក្របខ័ណ្ឌជំនាញបច្ចេកវិទ្យាព័ត៌មានវិទ្យា (IT) សម្រាប់អង្គភាពចំណុះក្រសួងមហាផ្ទៃ ក្រោមអធិបតីភាព ឯកឧត្ដម នាយឧត្តមសេនីយ៍សាស្ត្រាចារ្យ សេង ផល្លី អគ្គនាយក នៃអគ្គនាយកដ្ឋានធនធានមនុស្ស នៅទីស្ដីការក្រសួងមហាផ្ទៃ។

ក្នុងកិច្ចប្រជុំនេះ ក៏មានការអញ្ជើញចូលរួម ឯកឧត្ដម លោកជំទាវ អគ្គនាយករង តំណាងអគ្គនាយកដ្ឋានចំណុះក្រសួងមហាផ្ទៃ លោក លោកស្រីប្រធាន អនុប្រធាននាយកដ្ឋានចំណុះនាយកដ្ឋានពាក់ព័ន្ធ ព្រមទាំងលោក លោកស្រីនាយ នាយរងការិយាល័យ និងមន្ត្រីពាក់ព័ន្ធមួយចំនួន។