ទីស្ដីការក្រសួងមហាផ្ទៃ៖​ នៅរសៀលថ្ងៃចន្ទ ១៣រោច ខែផល្គុន ឆ្នាំម្សាញ់ សប្តស័ក ព.ស. ២៥៦៩​ ត្រូវនឹងថ្ងៃទី១៦ ខែមីនា ឆ្នាំ២០២៦ ឯកឧត្តម ឧត្ដមសេនីយ៍ឯក តាត និមល អគ្គនាយករង​ នៃអគ្គនាយកដ្ឋានអត្តសញ្ញាណកម្ម បានអញ្ជេីញចូលរួមក្នុងកិច្ចប្រជុំប្រកាសសមាសភាព និងពិនិត្យពិភាក្សាលើតួនាទីភារកិច្ចរបស់ក្រុមការងាររៀបចំប្រព័ន្ធគ្រប់គ្រងការស្នាក់នៅតាមទីតាំងរស់នៅប្រមូលផ្ដុំ ក្រោមអធិបតីភាពឯកឧត្ដម ប៊ុន ហុន រដ្ឋលេខាធិការ ក្រសួងមហាផ្ទៃ នៅទីស្ដីការក្រសួងមហាផ្ទៃ។

កិច្ចប្រជុំនេះ​ ក៏មានការអញ្ជើញចូលរួម​ ឯកឧត្ដម​ អនុរដ្ឋលេខាធិការ ឯកឧត្ដម​ អនុប្រធានក្រុមប្រឹក្សានីតិកម្ម ឯកឧត្ដម​​ អគ្គនាយករង តំណាងអគ្គនាយកដ្ឋានចំណុះក្រសួងមហាផ្ទៃ និងមន្ត្រីពាក់ព័ន្ធមួយចំនួន។