រាជធានីភ្នំពេញ៖ នាព្រឹកថ្ងៃច័ន្ទ ១៣រោច ខែផល្គុន ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១៦ ខែមីនា ឆ្នាំ២០២៦ លោក យឹម សំអុល អនុប្រធាននាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងកិច្ចសន្ទនាកម្រិតគោលនយោបាយស្តីពីវិមជ្ឈការការកៀរគរធនធាននៅមូលដ្ឋានសម្រាប់ពង្រឹងសេវាចុះបញ្ជីអត្រានុកូលដ្ឋាននិងស្ថិតិអត្រានុលដ្ឋាននៅកម្ពុជា ក្រោមអធិបតីភាព ឯកឧត្តម ឌី សុវណ្ណ អគ្គនាយករង នៃអគ្គនាយកដ្ឋានថវិកាថ្នាក់ក្រោមជាតិ ក្រសួងសេដ្ឋកិច្ច និងហិរញ្ញវត្ថុ។

កិច្ចសន្ទនានេះមានគោលបំណងដើម្បីពង្រឹងកិច្ចសហការរវាងស្ថាប័នរដ្ឋាភិបាល ដៃគូអភិវឌ្ឍន៍ និងសង្គមស៊ីវិល ដើម្បីជំរញការផ្តល់ហិរញ្ញវត្ថុប្រកបដោយចីរភាពសម្រាប់ការអនុវត្តការចុះបញ្ជីអត្រានុកូលដ្ឋាននៅរដ្ឋបាលថ្នាក់ក្រោមជាតិ។

កិច្ចសន្ទនានេះ ក៏មានការអញ្ជើញចូលរួមពី តំណាងរតនាគារជាតិ អង្គភាពពាក់ព័ន្ធចំណុះក្រសួងមហាផ្ទៃ ដៃគូអភិវឌ្ឍន៍ និងសង្គមស៊ីវិល សរុបចំនួន ៣៥រូប។