ខេត្តកណ្ដាល៖ នៅព្រឹកថ្ងៃសុក្រ ២កើត ខែចេត្រ ឆ្នាំម្សាញ់ សប្ដស័ក ព.ស. ២៥៦៩ ត្រូវនឹងថ្ងៃទី២០ ខែមីនា ឆ្នាំ២០២៦ ឯកឧត្ដម ឧត្តមសេនីយ៍ទោ ផុន លីវិរៈ អគ្គនាយករង តំណាងឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមពិធីបិទវគ្គបណ្ដុះបណ្ដាលកម្រិតបឋមវិជ្ជាជីវៈ នគរបាល ជំនាន់ទី១៩ លើកទី២ និងប្រគល់-ទទួលសិស្សនគរបាលទៅអង្គភាពដើមវិញ នៅបណ្ឌិត្យសភានគរបាលកម្ពុជា។

ក្នុងពិធីបិទវគ្គបណ្ដុះបណ្ដាលនេះ ក៏មានការអញ្ជើញចូលរួមពីសំណាក់ ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ ឯកឧត្តម លោកជំទាវ អគ្គស្នងការរង អគ្គនាយក អគ្គស្នងការរង អគ្គលេខាធិការរង អគ្គាធិការរង អគ្គនាយករង នៃអគ្គនាយកដ្ឋាននានាចំណុះក្រសួងមហាផ្ទៃ និងលោក លោកស្រីតំណាងអង្គភាពពាក់ព័ន្ធ សិស្ស និស្សិត លោកគ្រូ អ្នកគ្រូ ជាច្រើនរូបទៀត។