ខេត្តកំពង់ចាម៖ នៅថ្ងៃសុក្រ ២កើត ខែចេត្រ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២០ ខែមីនា ឆ្នាំ២០២៦ ឯកឧត្តម ឧត្តមសេនីយ៍ឯក អ៊ុកចាយ បញ្ញារ៉ា អគ្គនាយករង នៃអគ្គនាយកដ្ឋានអត្តសញ្ញាណកម្ម និងជាប្រធានក្រុមការងារភូមិភាគ២ ឯកឧត្ដម ស្រី សុភ័ក្រ្ភ អភិបាលរង តំណាង ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពងចាម បានអញ្ជើញជាសហធិបតី កិច្ចប្រជុំផ្សព្វផ្សាយ សមាសភាពសេចក្ដីសម្រេចលេខ១៣២០០ សសរ ចុះថ្ងៃទី២០ ខែវិច្ឆិកា ឆ្នាំ២០២៥ របស់ក្រសួងមហាផ្ទៃ និងសេចក្តីសម្រេចលេខ០១០/សសរ ចុះថ្ងៃទី១០ ខែកុម្ភៈ ឆ្នាំ២០២៦ របស់រដ្ឋបាលខេត្តកំពង់ចាម ស្ដីពី ការបង្កើតក្រុមការងារសម្របសម្រួលសហការគាំទ្រ តាមដាន ជំរុញ និងអនុវត្តការផ្ដល់អត្តសញ្ញាណបណ្ណសញ្ជាតិខ្មែរ និងឯកសារអត្តសញ្ញាណផ្សេងទៀតជូនប្រជាពលរដ្ឋខ្មែរទូទៅ និងប្រជាពលរដ្ឋខ្មែរដែលទើបវិលត្រលប់ពីប្រទេសថៃ នៅសាលប្រជុំសាលាខេត្តកំពង់ចាម។

ក្នុងកិច្ចប្រជុំ ក៏មានការអញ្ជើញចូលរួមពី ឯកឧត្តម អគ្គនាយករង លោកអនុប្រធាននាយកដ្ឋាន នៃអគ្គនាយកដ្ឋានអត្តសញ្ញាណកម្ម លោក ស្នងការនគរបាលខេត្ត លោក លោកស្រី នាយក នាយករងរដ្ឋបាលខេត្ត នាយក នាយករងទីចាត់ការរដ្ឋបាល ប្រធានមន្ទីរ-អង្គភាព ជុំវិញខេត្ត ស្នងការរងទទួលបន្ទុកការងារអត្តសញ្ញាណកម្ម ក្រុមប្រឹក្សា អភិបាលក្រុង ស្រុក អធិការនគរបាលក្រុង ស្រុក មេឃុំ ចៅសង្កាត់ នាយប៉ុស្តិ៍នគរបាលរដ្ឋបាល និងអ្នកពាក់ព័ន្ធជាច្រើនរូបទៀត សរុបចំនួន ៤០៤នាក់។