ស្រុកស៊ីធរកណ្តាល ខេត្តព្រៃវែង៖ នៅព្រឹកថ្ងៃសៅរ៍ ៣កើត ខែចេត្រ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី២១ ខែមីនា ឆ្នាំ២០២៦ លោកជំទាវ ថាំ វ៉ាន់នីកា អនុប្រធានក្រុមការងារចុះមូលដ្ឋានស្រុកស៊ីធរកណ្ដាល ទទួលជួយក្រុមការងារចលនាស្រ្តី អមដំណើរដោយលោកជំទាវ លឹម រស្មី ប្រធានក្រុមការងារចលនាស្ត្រី នៃក្រុមការងាររាជរដ្ឋាភិបាលចុះជួយស្រុក បានដឹកនាំសមាជិកា សរុបចំនួន ៧រូប ចុះជួបសួរសុខទុក្ខ និងចែកអំណោយដល់គ្រួសារមានជីវភាពខ្វះខាតចំនួន ៥គ្រួសារ នៅឃុំព្រៃទឹង និងចំនួន ៥គ្រួសារ នៅឃុំពោធិ៍ទី។ អំណោយដែលបានចែកជូនគ្រួសារក្រីក្រនីមួយៗទាំង ១០គ្រួសារ នៅឃុំទាំង២ ខាងលើ រួមមាន៖ អង្ករ ២៥គីឡូ ទឹកត្រី ១យួរ ទឹកស៊ីអ៊ីវ ១យួរ ម៉ុង១ ភួយ១ កន្ទេល១ ខ្នើយ១ និងថវិកាមួយចំនួន។