ទីស្តីការក្រសួងមហាផ្ទៃ៖ នៅព្រឹកថ្ងៃចន្ទ ១២កើត ខែចេត្រ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៣០ ខែមីនា ឆ្នាំ២០២៦ ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញជាអធិបតីក្នុងពិធីបើក “វគ្គបំពាក់បំប៉នតម្រង់ទិសលើការងារសំខាន់ៗ សម្រាប់ថ្នាក់ដឹកនាំ និងមន្រ្តី នៃអគ្គនាយកដ្ឋានអត្តសញ្ញាណកម្ម” ដែលប្រព្រឹត្តទៅរយៈពេលមួយថ្ងៃពេញ នៅសាលប្រជុំអគារS នៃទីស្តីការក្រសួងមហាផ្ទៃ។

ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ អគ្គនាយកដ្ឋានអត្តសញ្ញាណកម្ម បានរៀបចំវគ្គបំពាក់ប៉នតម្រង់ទិសលើការងារសំខាន់ៗ សម្រាប់ថ្នាក់ដឹកនាំ និងមន្រ្តី នៃអគ្គនាយកដ្ឋានអត្តសញ្ញាណកម្ម ក្នុងគោលបំណង «លើកកម្ពស់ប្រសិទ្ធភាពការងារការយល់ដឹងអំពីតួនាទីភារកិច្ចរបស់មន្រ្តី របៀបរបបការងារ បទវិន័យ និងក្រមសីលធម៌វិជ្ជាជីវៈ ដើម្បីពង្រឹងតួនាទីក្នុងនាមជាមន្រ្តីដ៏ល្អសម្រាប់អង្គភាព និងសម្រាប់ប្រជាពលរដ្ឋទូទៅ»។

ក្នុងពិធីបើកវគ្គនេះ ក៏មានការអញ្ជើញចូលរួម ឯកឧត្តម លោកជំទាវ អគ្គនាយករង ឯកឧត្តម អគ្គនាយករង ជាគ្រូឧទ្ទេស លោកប្រធាននាយកដ្ឋាន នៃអគ្គនាយកដ្ឋានអត្តសញ្ញាណកម្ម គ្រូឧទ្ទេស លោក លោកស្រី អនុប្រធាននាយកដ្ឋាន ប្រធាន/នាយការិយាល័យ លោក លោក ស្រី ជាសិក្ខាកាម ដែលមកពីនាយកដ្ឋានចំណុះ អគ្គនាយកដ្ឋានអត្តសញ្ញាណកម្ម ចំនួន ៥៩៥រូប។