ទីស្ដីការក្រសួងមហាផ្ទៃ៖ នៅរសៀលថ្ងៃពុធ ៦រោច ខែចេត្រ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី៨ ខែមេសា ឆ្នាំ២០២៦ ឯកឧត្ដម ឧត្តមសេនីយ៍ឯក តាត និមល អគ្គនាយករង តំណាង ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងកិច្ចប្រជុំពិនិត្យពិភាក្សានិងផ្ដល់យោបល់លើសេចក្ដីព្រាងប្រកាសរួម និងឯកសារទស្សនទានស្ដីពីការបង្កើត សម្ព័ន្ធអន្តរជាតិប្រយុទ្ធប្រឆាំងការឆបោកតាមប្រព័ន្ធទូរគមនាគមន៍ និងប្រព័ន្ធបច្ចេកវិទ្យា ដែលផ្ដួចផ្ដើមដោយក្រសួងសន្តិសុខសាធារណៈចិន ក្រោមអធិបតីភាព ឯកឧត្ដម អ៊ូច ចាន់ណូរ៉ា អនុរដ្ឋលេខាធិការ ក្រសួងមហាផ្ទៃ។

កិច្ចប្រជុំនេះ ក៏មានការអញ្ជើញចូលរួមពីសំណាក់ តំណាងក្រុមប្រឹក្សានីតិកម្ម តំណាងអគ្គស្នងការនគរបាលជាតិ តំណាងអគ្គលេខាធិការដ្ឋាន តំណាងអគ្គនាយកដ្ឋានអន្តោប្រវេសន៍ និងមន្ត្រីពាក់ព័ន្ធមួយចំនួន។