អគ្គនាយកដ្ឋានអត្តសញ្ញាណកម្ម៖ នៅព្រឹកថ្ងៃសុក្រ ៧រោច ខែពិសាខ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៨ ខែឧសភា ឆ្នាំ២០២៦ ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញទទួលជួបជាមួយ លោកស្រី Stephanie Tan ទីប្រឹក្សាបច្ចេកទេសនៃអង្គការ Vital Strategies និងសហការី តាមប្រព័ន្ធវីដេអូ ZOOM។ កិច្ចប្រជុំនេះបានពិនិត្យលើការងារ ៣សំខាន់រួមមាន៖

(១) វាយតម្លៃបញ្ចប់ការអនុវត្ត NSPI Phase 1

(២) ការរៀបចំប្រព័ន្ធតាមដាន និងវាយតម្លៃលើការងារ CRVS និង

(៣) ការរៀបចំមេរៀន និងសៀវភៅណែនាំលម្អិតអំពីការងារកែតម្រូវទិន្នន័យអត្រានុកូលដ្ឋាន (SOP)។

កិច្ចប្រជុំនេះ ក៏មានការអញ្ជើញចូលរួមពី ឯកឧត្តម អគ្គនាយករង លោកប្រធាននាយកដ្ឋាន លោក លោកស្រីអនុប្រធាននាយកដ្ឋាន ចំណុះអគ្គនាយកដ្ឋានអត្តសញ្ញាណកម្ម និងតំណាងអង្គការ Vital Strategies ផងដែរ។