អគ្គនាយកដ្ឋានអត្តសញ្ញាណកម្ម ក្រសួងមហាផ្ទៃ មានកិត្តិយសសូមជម្រាបជូនសាធារណជន មេត្តាជ្រាបថា កាលពីថ្ងៃទី១៨ ខែឧសភា ឆ្នាំ២០២៦ មានគណនី TikTok ឈ្មោះ “thodanny1” បានផ្សព្វផ្សាយវីដេអូមួយ ដោយបានលើកឡើងអំពីការទាមទារប្រាក់
ថ្ងៃសៅរ៍ ទី២៣ ខែឧសភា ឆ្នាំ២០២៦ ១០:៥៤ ព្រឹក

អគ្គនាយកដ្ឋានអត្តសញ្ញាណកម្ម ក្រសួងមហាផ្ទៃ មានកិត្តិយសសូមជម្រាបជូនសាធារណជន មេត្តាជ្រាបថា កាលពីថ្ងៃទី១៨ ខែឧសភា ឆ្នាំ២០២៦ មានគណនី TikTok ឈ្មោះ “thodanny1” បានផ្សព្វផ្សាយវីដេអូមួយ ដោយបានលើកឡើងអំពីការទាមទារប្រាក់

អគ្គនាយកដ្ឋានអត្តសញ្ញាណកម្ម ក្រសួងមហាផ្ទៃ មានកិត្តិយសសូមជម្រាបជូនសាធារណជន មេត្តាជ្រាបថា កាលពីថ្ងៃទី១៨ ខែឧសភា ឆ្នាំ២០២៦ មានគណនី TikTok ឈ្មោះ “thodanny1” បានផ្សព្វផ្សាយវីដេអូមួយ ដោយបានលើកឡើងអំពីការទាមទារប្រាក់ចំនួន ១០ដុល្លារអាម៉េរិក ជាថ្នូរនឹងការទទួលយកអត្តសញ្ញាណបណ្ណសញ្ជាតិខ្មែរ ដែលអាចធ្វើឱ្យសាធារណជនមានការយល់ច្រឡំថា ជាការទាមទារប្រាក់ក្នុងការផ្តល់សេវាអត្តសញ្ញាណបណ្ណសញ្ជាតិខ្មែរ។
ពាក់ព័ន្ធនឹងករណីខាងលើ អគ្គនាយកដ្ឋានអត្តសញ្ញាណកម្ម សូមបញ្ជាក់ជូនថា ករណីនេះមិនមែនជាការទាមទារប្រាក់ពីមន្ត្រីផ្តល់សេវាអត្តសញ្ញាណកម្មឡើយ។ តាមការស្រាវជ្រាវជាក់ស្តែង បានបង្ហាញថា មានប្រជាពលរដ្ឋមួយចំនួនធ្លាប់ដាក់អត្តសញ្ញាណបណ្ណសញ្ជាតិខ្មែរទុកនៅក្រុមហ៊ុនឯកជន ក្នុងគោលបំណងបំពេញបែបបទធ្វើការងារ។ លុះនៅពេលលាឈប់ពីការងារ និងស្នើសុំយកអត្តសញ្ញាណបណ្ណរបស់ខ្លួនវិញ ត្រូវបានបុគ្គលិកក្រុមហ៊ុនទាមទារថវិកាចំនួន ១០ដុល្លារអាម៉េរិក។
អាស្រ័យហេតុនេះ ការផ្សព្វផ្សាយព័ត៌មានដោយមិនបានបញ្ជាក់ប្រភព និងខ្លឹមសារឱ្យបានច្បាស់លាស់ អាចធ្វើឱ្យសាធារណមតិយល់ច្រឡំ និងប៉ះពាល់ដល់កិត្តិយស និងកេរ្តិ៍ឈ្មោះរបស់អគ្គនាយកដ្ឋានអត្តសញ្ញាណកម្ម ក្រសួងមហាផ្ទៃ ជាពិសេសលើការផ្តល់សេវាអត្តសញ្ញាណបណ្ណសញ្ជាតិខ្មែរ ជូនប្រជាពលរដ្ឋ។
ក្នុងន័យនេះ អគ្គនាយកដ្ឋានអត្តសញ្ញាណកម្ម សូមអំពាវនាវដល់ម្ចាស់គណនី TikTok ឈ្មោះ “thodanny1” ធ្វើការកែតម្រូវ ឬលុបចោលវីដេអូដែលមានខ្លឹមសារមិនត្រឹមត្រូវខាងលើ និងសូមចូលរួមទប់ស្កាត់ការផ្សព្វផ្សាយព័ត៌មានមិនពិត ឬព័ត៌មានដែលអាចបង្កឱ្យមានការភាន់ច្រឡំដល់សាធារណជន។
ជាមួយគ្នានេះ អគ្គនាយកដ្ឋានអត្តសញ្ញាណកម្ម សូមរំលឹកផងដែរថា យោងតាមច្បាប់ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម មាត្រា១២៩ បានកំណត់ថា «អត្តសញ្ញាណបណ្ណសញ្ជាតិខ្មែរ ជាឯកសារផ្លូវការសម្រាប់បញ្ជាក់អត្តសញ្ញាណរបស់បុគ្គលដែលមានសញ្ជាតិខ្មែរ ហើយមិនអនុញ្ញាតឱ្យផ្ទេរ ឬយកទៅធ្វើជាវត្ថុធានា ឬបង្កើតសិទ្ធិប្រតិភោគណាមួយឡើយ»។ ដូច្នេះ ប្រជាពលរដ្ឋមិនគួរដាក់អត្តសញ្ញាណបណ្ណសញ្ជាតិខ្មែរទុកជាការធានា ឬប្រគល់ឱ្យភាគីណាមួយរក្សាទុកដោយខុសគោលការណ៍ច្បាប់នោះទេ។
សូមអរគុណ

អត្ថបទផ្សេងៗ

ឯកឧត្តម​ ឧត្តមសេនីយ៍ឯក​ ស៊ាង​ ធារិទ្ធិ​ អគ្គនាយករង នៃអគ្គនាយកដ្ឋានអត្តសញ្ញាណកម្ម ក្រសួងមហាផ្ទៃ បានដឹកនាំក្រុមការងារ​នាយកដ្ឋានអត្តសញ្ញាណប័ណ្ណសញ្ជាតិខ្មែរ​ បន្តចុះជំរុញផ្តល់អត្តសញ្ញាណប័ណ្ណសញ្ជាតិខ្មែរ​ ជូនថ្នាក់ដឹកនាំ​ និងមន្រ្តីរាជការ

រាជធានីភ្នំពេញ៖ នៅព្រឹកថ្ងៃចន្ទ ១កើត ខែផល្គុន ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី២០ ខែកុម្ភៈ ឆ្នាំ២០២៣ ឯកឧត្តម​ ឧត្តមសេនីយ៍ឯក​ ស៊ាង​ ធារិទ្ធិ...

២០ កុម្ភៈ ២០២៣

ឯកឧត្តម ឧត្តមសេនីយ៍ឯក មាស ស៊ីផាន អញ្ជើញចូលរួមប្រជុំក្រុមការងារអចិន្ត្រៃយ៍ ដើម្បីសម្របសម្រួលរៀបចំទីតាំងសុវត្ថិភាព ជម្រកស្នាក់នៅ បណ្ដោះអាសន្ន ការដឹកជញ្ជូន ការដោះស្រាយសេវាសាធារណៈ សុខាភិបាល និងសន្តិសុខ

ឯកឧត្តម ឧត្តមសេនីយ៍ឯក មាស ស៊ីផាន អញ្ជើញចូលរួមប្រជុំក្រុមការងារអចិន្ត្រៃយ៍ ដើម្បីសម្របសម្រួលរៀបចំទីតាំងសុវត្ថិភាព ជម្រកស្នាក់នៅ បណ្ដោះអាសន្ន ការដឹកជញ...

២៨ កញ្ញា ២០២៥

ខេត្តកែប៖ នៅថ្ងៃសុក្រ ៥រោច ខែមិគសិរ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២០ ខែធ្នូ ឆ្នាំ២០២៤ សកម្មភាពប៉ុស្តិ៍នគរបាលរដ្ឋបាល នៃស្នងការដ្ឋាននគរបាលខេត្តកែប បានដឹកនាំកម្លាំងជំនាញ

ខេត្តកែប៖ នៅថ្ងៃសុក្រ ៥រោច ខែមិគសិរ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២០ ខែធ្នូ ឆ្នាំ២០២៤ សកម្មភាពប៉ុស្តិ៍នគរបាលរដ្ឋបាល នៃស្នងការដ្ឋាននគរបាលខេត្ត...

២០ ធ្នូ ២០២៤

ឯកឧត្ដម សុខ ចំរើន អញ្ជើញចូលរួមពិធីបិទសន្និបាតបូកសរុបលទ្ធផលការងារប្រចាំឆ្នាំ២០២៥ និងលើកទិសដៅការងារឆ្នាំ២០២៦ របស់រដ្ឋបាលខេត្តសៀមរាប

ឯកឧត្ដម សុខ ចំរើន អញ្ជើញចូលរួមពិធីបិទសន្និបាតបូកសរុបលទ្ធផលការងារប្រចាំឆ្នាំ២០២៥ និងលើកទិសដៅការងារឆ្នាំ២០២៦ របស់រដ្ឋបាលខេត្តសៀមរាប។ ខេត្តសៀមរាប៖...

៣១ មករា ២០២៦

អគ្គនាយក

អត្ថបទថ្មីៗ

តួនាទីភារកិច្ចអគ្គនាយកដ្ឋាន

អត្ថបទពេញនិយម