បណ្ឌិត្យសភានគរបាលកម្ពុជា៖ នៅព្រឹកថ្ងៃសុក្រ ៦កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២២ ខែឧសភា ឆ្នាំ២០២៥ ដោយមានការអនុញ្ញាតពី ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម ឯកឧត្តម ឧត្តមសេនីយ៍ទោ ហេង ចំរើន អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញជាអធិបតីភាពធ្វើបាឋកថាចែករំលែកចំណេះដឹង និងបទពិសោធដល់សិក្ខាកាមវគ្គបំប៉នជំនាញអត្តសញ្ញាណកម្ម លើប្រធានបទស្ដីពី «គោលនយោបាយរាជរដ្ឋាភិបាលឌីជីថលកម្ពុជា» នៅបណ្ឌិត្យសភានគរបាលកម្ពុជា។

ក្នុងពិធីនេះ ក៏មានការអញ្ជើញចូលរួមពី លោកឧត្តមសេនីយ៍ឯក ផុន សុផល នាយកសាលាមធ្យមវិជ្ជាជីវៈនគរបាល លោកគ្រូ អ្នកគ្រូនគរបាលជាតិ នៃបណ្ឌិត្យសភានគរបាលកម្ពុជា លោក អនុប្រធាននាយកដ្ឋាន លោក នាយការិយាល័យ នៃអគ្គនាយកដ្ឋានអត្តសញ្ញាណកម្ម និងសិក្ខាកាម សរុបចំនួន ១៣២នាក់ ស្រី១៥នាក់។