អគ្គនាយកដ្ឋានអត្តសញ្ញាណកម្ម៖ នៅព្រឹកថ្ងៃចន្ទ ៨រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៨ ខែមិថុនា ឆ្នាំ២០២៦ ឯកឧត្តម ឧត្តមសេនីយ៍ឯក សុក ធី អគ្គនាយករង នៃអគ្គនាយកដ្ឋានអត្តសញ្ញាណកម្ម និងជាប្រធានក្រុមការងាតាមដាន និងជំរុញការផ្តល់ឯកសារអត្តសញ្ញាណភូមិភាគ៦ (ខេត្តព្រៃវែង និងខេត្តស្វាយរៀង) បានអញ្ជើញដឹកនាំកិច្ចប្រជុំ “ពិនិត្យ វឌ្ឍនភាពការងារ និងបញ្ហាប្រឈមផ្សេងៗលើការងារតាមដាន និងជំរុញការផ្ដល់ឯកសារអត្តសញ្ញាណបណ្ណសញ្ជាតិខ្មែរ និងឯកសារអត្តសញ្ញាណផ្សេងទៀត ជូនប្រជាពលរដ្ឋខ្មែរទូទៅ និងប្រជាពលរដ្ឋខ្មែរដែលទើបវិលត្រលប់ពីប្រទេសថៃ”។

កិច្ចប្រជុំនេះមានការចូលរួមពី ឯកឧត្តម ឧត្តមសេនីយ៍ឯក ស៊ាង ធារិទ្ធិ អគ្គនាយករង និងលោក ឧត្តមសេនីយ៍ទោ សុគន្ធ វិសិដ្ឋ ប្រធាននាយកដ្ឋានស្ថិតិប្រជាពលរដ្ឋ ជាអនុប្រធានក្រុមការងារ ព្រមទាំងអស់លោកជាសមាជិកក្រុមការងារភូមិភាគ៦។