រាជធានីភ្នំពេញ៖​ នៅថ្ងៃពុធ ១០រោច ខែជេស្ឋ ឆ្នាំមមី​ អដ្ឋស័ក ព.ស.២៥៧០ ត្រូវនឹងថ្ងៃទី១០ ខែមិថុនា ឆ្នាំ២០២៦ លោកឧត្តមសេនីយ៍ទោ​ ឈុន​ វណ្ណា ប្រធាននាយកដ្ឋានគ្រប់គ្រងប្រព័ន្ធព័ត៌មានវិទ្យា នៃអគ្គនាយកដ្ឋានអត្តសញ្ញាណកម្ម បានអញ្ជើញជាមួយលោកស្រី Stephanie Tan តំណាងអង្គការ Vital Strategies ចុះត្រួតពិនិត្យ និងសិក្សាស្វែងយល់អំពីការអនុវត្តការចុះបញ្ជីអត្រានុកូលដ្ឋានតាមប្រព័ន្ធអេឡិចត្រូនិក (CRS) នៅសង្កាត់វាលស្បូវ ខណ្ឌច្បារអំពៅ រាជធានីភ្នំពេញ។

គួបញ្ជាក់ដែរថា ការចុះត្រួតពិនិត្យ​នេះ មានគោលបំណងក្នុងការបង្ហាញអង្គការ Vital Strategies អំពីការអនុវត្តជាក់ស្តែងនូវដំណើរការ និងវឌ្ឍនភាពការងារការចុះបញ្ជីអត្រានុកូលដ្ឋានតាមប្រព័ន្ធអេឡិចត្រូនិក​ ដែលបានដាក់ឱ្យអនុវត្តចាប់ពីថ្ងៃទី១ ខែមេសា ឆ្នាំ២០២៦ នាពេលកន្លងមក ព្រមទាំងពិភាក្សាអំពីចំណុចល្អ បញ្ហាប្រឈម​ និងសំណូមពរផ្សេងៗ ពីមន្រ្តីអនុវត្តផ្ទាល់នៅថ្នាក់សង្កាត់។

ការចុះតាមដាននេះ មានអញ្ជើញចូលរួមពី លោកអនុប្រធាននាយកដ្ឋាន​ លោកប្រធាន/នាយការិយាល័យ​ មកពីនាយកដ្ឋានអត្រានុកូលដ្ឋាន និងនាយកដ្ឋានគ្រប់គ្រងប្រព័ន្ធព័ត៌មានវិទ្យា លោកអភិបាលរង ខណ្ឌច្បារអំពៅ​ លោក​ លោកស្រី​ ចៅសង្កាត់​ សស្មៀនសង្កាត់ ជំនួយការដ្ឋបាលសង្កាត់ លោកទីប្រឹក្សារបស់អង្គការ Vital Strategies ផងដែរ។