យោងតាមអនុសាសន៍ណែនាំដ៏ខ្ពង់ខ្ពស់របស់ លោកជំទាវ កែ សួនសុភី ស សុខា នៅព្រឹកថ្ងៃចន្ទ ១កើត ខែបឋមាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១៥ ខែមិថុនា ឆ្នាំ២០២៦ លោកស្រី ឧត្តមសេនីយ៍ត្រី ឯក សេដាវី អនុប្រធាននាយកដ្ឋានស្ថិតិប្រជាពលរដ្ឋ និងជាអនុប្រធានអចិន្រ្តៃក្រុមការងារយេនឌ័រ អគ្គនាយកដ្ឋានអត្តសញ្ញាណកម្ម តំណាង លោកជំទាវ ថាំ វ៉ាន់នីកា តុប នេត សមាជិកាកិត្តិយស នៃគណៈកម្មាការសាខាសមាគមនារី ក្រសួងមហាផ្ទៃ បានដឹកនាំក្រុមការងារអញ្ជើញចុះសួរសុខទុក្ខលោកស្រី អនុសេនីយ៍ឯក នូ ស៊ីថេត នាយរងផ្នែករដ្ឋបាលសរុប នៃការិយាល័យបោះពុម្ពអត្តសញ្ញាណបណ្ណសញ្ជាតិខ្មែរ ចំណុះអគ្គនាយកដ្ឋានអត្តសញ្ញាណកម្ម ដែលបានសម្រាលបានកូនស្រី នៅមន្ទីពេទ្យកាល់ម៉ែត្រ និងបាននាំយកថវិកា ដែលផ្តល់ដោយឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក មានកាដូរ កន្ត្រកផ្លែឈើ និងថវិកា ដែលជាទឹកចិត្តរបស់ឯកឧត្តម ឧត្តមសេនីយ៍ឯក បណ្ឌិត អគ្គនាយក និងលោកជំទាវ ឧត្តមសេនីយ៍ឯក អគ្គនាយករង និងជាប្រធានក្រុមការងារយេនឌ័រ នៃអគ្គនាយកដ្ឋានអត្តសញ្ញាណកម្ម ដើម្បីចូលរួមអបអរសាទរ និងសួរសុខទុក្ខដល់ក្រុមគ្រួសារ។