ខេត្តត្បូងឃ្មុំ៖ នាព្រឹកថ្ងៃចន្ទ ១កើត ខែបឋមាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១៥ ខែមិថុនា ឆ្នាំ២០២៦ ឯកឧត្តម ឧត្តមសេនីយ៍ឯក អ៊ុកចាយ បញ្ញារ៉ា អគ្គនាយករង នៃអគ្គនាយកដ្ឋានអត្តសញ្ញាណកម្ម និងជាប្រធានក្រុមការងារភូមិភាគ២ និងឯកឧត្តម ម៉ៅ ឌុង អភិបាលរង តំណាង ឯកឧត្តម ប៉ែន កុសល្យ អភិបាល នៃគណៈអភិបាលខេត្តត្បូងឃ្មុំ បានអញ្ជើញជាសហធិបតីក្នុងកិច្ចប្រជុំក្រុមការងារតាមដាន និងជំរុញការផ្តល់ឯកសារអត្តសញ្ញាណ ដើម្បីពិនិត្យ តាមដានវឌ្ឍនភាពការងារជំរុញផ្តល់អត្តសញ្ញាណបណ្ណសញ្ជាតិខ្មែរ និងឯកសារអត្តសញ្ញាណផ្សេងទៀតជូនប្រជាពលរដ្ឋខ្មែរទូទៅ និងប្រជាពលរដ្ឋខ្មែរដែលទើបវិលត្រលប់ពីប្រទេសថៃ នៅសាលប្រជុំ "ខ" នៃសាលាខេត្តត្បូងឃ្មុំ។

កិច្ចប្រជុំនេះមានការអញ្ជើញចូលរួមពីសំណាក់ ឯកឧត្តម ឧត្តមសេនីយ៍ទោ សុខ ផារិទ្ធ អគ្គនាយករង និងជាអនុប្រធានក្រុមការងារ ព្រមទាំងសមាជិកក្រុមការងារចំណុះនាយកដ្ឋានពាក់ព័ន្ធ នៃអគ្គនាយកដ្ឋានអត្តសញ្ញាណកម្ម និងលោកនាយករងរដ្ឋបាលសាលាខេត្ត លោកឧត្តមសេនីយ៍ត្រី ស្នងការរងទទួលផែនអត្តសញ្ញាញកម្មលោកនាយករងទីចាត់ការរដ្ឋបាលសាលាខេត្ត លោកស្រីប្រធានការិយាល័យស្ថិតិប្រជាពលរដ្ឋ ការិយាល័យអត្តសញ្ញាណបណ្ណសញ្ជាតិខ្មែរ ការិយាល័យអត្រានុកូលដ្ឋានផងដែរ។

បន្ទាប់ពីបញ្ចប់កិច្ចប្រជុំពិភាក្សា ឆ្លៀតក្នុងឱកាសនេះក្រុមការងារបានធ្វើការចុះទៅអធិការដ្ឋានក្រុងសួង ខេត្តត្បូងឃ្មុំ និងប៉ុស្ដិ៍នគរបាលរដ្ឋបាលមៀន ស្រុកជើងព្រៃ និងប៉ុស្ដិ៍នគរបាលរដ្ឋបាលសំពោងជ័យ ស្រុកព្រៃឈរ ខេត្តកំពង់ចាម ដើម្បីចុះទៅពិនិត្យការងារអនុវត្តដោយផ្ទាល់ និងបានសួរនាំបញ្ហាពាក់ព័ន្ធដែលបានជួបនាពេលកន្លង សម្រាប់ការផ្ដល់ឯកសារធ្វើអត្តសញ្ញាណបណ្ណ និងឯកសារបញ្ជាក់អត្តសញ្ញាណជូនប្រជាពលរដ្ឋ។