នាយកដ្ឋានអត្តសញ្ញាណបណ្ណសញ្ជាតិខ្មែរ៖ នៅព្រឹកថ្ងៃពុធ ១០កើត ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៤ ខែមិថុនា ឆ្នាំ២០២៦ ឯកឧត្តម ឧត្តមសេនីយ៍ទោ ហេង ចំរើន អគ្គនាយករង និងជាប្រធានក្រុមការងាររៀបចំ ប្រព័ន្ធបច្ចេកវិទ្យាគមនាគមន៍ និងព័ត៍មាន នៃអគ្គនាយកដ្ឋានអត្តសញ្ញាណកម្ម បានអញ្ជើញចុះពិនិត្យដំណើរការនៃការផ្តល់អត្តសញ្ញាណបណ្ណសញ្ជាតិខ្មែរ និងដឹកនាំកិច្ចប្រជុំបច្ចេកទេសបន្តស្តីពីវឌ្ឍភាពការងារអភិវឌ្ឍន៍ប្រព័ន្ធអត្តសញ្ញាណបណ្ណសញ្ជាតិខ្មែរ ជំហាន៥ ។

ក្នុងកិច្ចប្រជុំបន្ត និងការចុះពិនិត្យនេះ ក៏មានការអញ្ជើញចូលរួមពី លោក ឧត្តមសេនីយ៍ទោ សក់ កែវដ្ឋារ៉ារ័ត្ន ប្រធាននាយកដ្ឋានអត្តសញ្ញាណបណ្ណសញ្ជាតិខ្មែរ ព្រមទាំងលោកអនុប្រធាននាយកដ្ឋាន លោកនាយការិយាល័យ លោក លោកស្រីនាយរងការិយាល័យ និងក្រុមការងារបច្ចេកទេស នៃអគ្គនាយកដ្ឋានអត្តសញ្ញាណបណ្ណសញ្ជាតិខ្មែរ ផងដែរ។