ខេត្តព្រៃវែង៖ នៅថ្ងៃពុធ ១០កើត ខែបឋមាសាឍ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី២៤ ខែមិថុនា ឆ្នាំ២០២៦ ក្រុមការងារអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងពិធីបើកវគ្គបណ្តុះបណ្តាល តម្រង់ទិសការអនុវត្តលើការងារអត្តសញ្ញាណកម្ម ស្របតាមច្បាប់ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម ព្រមទាំងអនុវត្តតាមដាន និងជំរុញការងារផ្តល់ឯកសារអត្តសញ្ញាណភូមិភាគ៦ នៅសាលប្រជុំសាលាខេត្តព្រៃវែង ក្រោមអធិបតីភាព ឯកឧត្តម លាត ភិរុណ អភិបាលរង នៃគណៈអភិបាលខេត្តព្រៃវែង។

ក្នុងពិធីបើកវគ្គនេះ ក៏មានការអញ្ជើញចូលរួមពី លោក លោកស្រីតំណាងសាលាដំបូងខេត្ត តំណាងមន្ទីរអប់រំ យុវជននិងកីឡា តំណាងមន្ទីរសុខាភិបាល លោក នាយក/នាយករងរដ្ឋបាលសាលាខេត្ត ស្នងការរងនគរបាលខេត្ត ប្រធានការិយាល័យស្ថិតិ និងអត្រានុកូលដ្ឋានខេត្ត អភិបាលរងក្រុង/ស្រុក មន្រ្តីទទួលការងារអត្រានុកូលដ្ឋានក្រុង/ស្រុក លោកអធិការរងនគរបាលក្រុង/ស្រុក មេឃុំចៅសង្កាត់ ស្មៀនឃុំ សង្កាត់ លោកនាយប៉ុស្តិ៍នគរបាលរដ្ឋបាល ជំនួយការរដ្ឋបាលឃុំ សង្កាត់ និងមន្រ្តីរាជការពាក់ព័ន្ធ សរុបចំនួន៥០៨នាក់ ស្រី១៤១នាក់។