ខេត្តក្រចេះ៖ នៅថ្ងៃអង្គារ ១រោច ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣០ ខែមិថុនា ឆ្នាំ២០២៦ ក្រុមការងារនាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម បានសហការជាមួយរដ្ឋបាលខេត្តក្រចេះ ចុះស្រាវជ្រាវសំបុត្រអត្រានុកូលដ្ឋានចំនួន០១ករណី នៅស្រុកសំបូរ ខេត្តក្រចេះ។ ដោយមានការចូលរួមពី ក្រុមការនាយកដ្ឋានអត្រានុកូលដ្ឋាន លោក លោកស្រីនាយករងរដ្ឋបាលសាលាខេត្ត អនុប្រធានការិយាល័យអត្រានុកូលដ្ឋានខេត្ត អភិបាលរងស្រុកសំបូរ លោកអធិការរង នៃអធិការដ្ឋាននគរបាលស្រុកសំបូរ ប្រធានការិយាល័យរដ្ឋបាលស្រុកសំបូរ មេឃុំ និងស្មៀន នៃឃុំសណ្តាន់ នាយប៉ុស្ដិ៍នគរបាលរដ្ឋបាល មេភូមិ សាមីខ្លួន និងអ្នកពាក់ព័ន្ធមួយចំនួន។