រាជធានីភ្នំពេញ៖ នៅថ្ងៃព្រហស្បតិ៍ ១០រោច ខែបឋមាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៩ ខែកក្កដា ឆ្នាំ២០២៦ ក្រុមការងារនាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម បានសហការជាមួយរដ្ឋបាលរាជធានីភ្នំពេញ ធ្វើការត្រួតពិនិត្យអំពីវឌ្ឍនភាពនៃការចុះបញ្ជីអត្រានុកូលដ្ឋានតាមប្រព័ន្ធអេឡិចត្រូនិក នៅតាមរដ្ឋបាលសង្កាត់ នៃរដ្ឋបាលខណ្ឌច្បារអំពៅ រាជធានីភ្នំពេញ។

ក្នុងកិច្ចប្រជុំចុះត្រួតពិនិត្យនេះ ក៏មានការអញ្ជើញចូលរួម លោក លោកស្រីប្រធានការិយាល័យអត្រានុកូលដ្ឋានរាជធានីភ្នំពេញ អភិបាលរងខណ្ឌច្បារអំពៅ អធិការរង នៃអធិការដ្ឋាននគរបានខណ្ឌច្បារអំពៅ ប្រធានការិយាល័យរដ្ឋបាល និងបុគ្គលិកខណ្ឌច្បារអំពៅ តំណាងការិយាល័យស្រុកប្រតិបត្តិបាសាក់ ចៅសង្កាត់ ព្រមទាំងលោកនាយប៉ុស្ដិ៍នគរបាលសង្កាត់ ស្មៀនសង្កាត់ ជំនួយការរដ្ឋបាលលសង្កាត់ មណ្ឌលសុខភាពនៅតាមបណ្ដាសង្កាត់ទាំងអស់នៃរដ្ឋបាលខណ្ឌច្បារអំពៅ សរុបចំនួន ១០៥នាក់ ក្នុងនោះស្រី៥៦នាក់។