អគ្គនាយកដ្ឋានអត្តសញ្ញាណកម្ម៖ នាថ្ងៃពុធ ៥កើត ខែមាឃ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៩ ខែមករា ឆ្នាំ២០២០ ឯកឧត្តម ឧត្តមសេនីយ៍ទោ អ៊ឹម ប្រណិតា អគ្គនាយករង ឯកឧត្តម អេង ច័ន្ទតារា អគ្គនាយករង និងជាប្រធាននាយកដ្ឋានអត្រានុកូលដ្ឋាន តំណាងឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បានដឹកនាំកិច្ចប្រជុំផ្សព្វផ្សាយសេចក្តីណែនាំលេខ០៤៥សណន របស់ក្រសួហមហាផ្ទៃ ស្ដីពី ការបន្តដំណើរការកែតម្រូវ និងមោឃភាពទិន្នន័យ នៃបញ្ជីអត្រានុកូលដ្ឋាន និងការប្រើប្រាស់សាកល្បងប្រព័ន្ធគ្រប់គ្រងឯកសារកែតម្រូវ និងមោយភាព នៃបញ្ជីអត្រានុកូលដ្ឋានតាមបណ្តារាជធានី ខេត្ត។ ក្នុងកិច្ចប្រជុំផ្សព្វផ្សាយនេះផងដែរក៏មានការអញ្ចើញចូលរួមពី លោក លោកស្រី អនុប្រធាននាយកដ្ឋាន លោក លោកស្រី ប្រធានការិយាល័យ និងមន្រ្តីចំណុះនាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម ព្រមទាំងលោក លោកស្រី នាយកទីចាត់ការរដ្ឋបាល ប្រធាន និងអនុប្រធានការិយាល័យស្ថិតិ និងអត្រានុកូលដ្ឋានរាជធានីភ្នំពេញ ខេត្តព្រះវិហារ ខេត្តព្រៃវែង ខេត្តសៀមរាប ខេត្តបាត់ដំបង និងខេត្តកំពង់ធំ៕