សាលារាជធានីភ្នំពេញ៖ ថ្ងៃសុក្រ ១៤កើត ខែមាឃ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី០៧ ខែកុម្ភៈ ឆ្នាំ២០២០ លោកឧត្តមសេនីយ៍ឯក ឃៀង សុគន្ធា ប្រធាននាយកដ្ឋាន អត្តសញ្ញាណប័ណ្ណសញ្ជាតិខ្មែរ បានអញ្ជើញធ្វើបទអន្តរាគមន៍ អំពី នីតិវិធីយន្តការផ្តល់អត្តសញ្ញាណប័ណ្ណសញ្ជាតិខ្មែរ និងដោះ​ស្រាយបញ្ហាមួយចំនួន នៃការងារអត្តសញ្ញាណ​ប័ណ្ណ​សញ្ជាតិខ្មែរ របស់សមាជិក ប.ស.ស នៅសាលារាជ​ធានី​ភ្នំពេញ។ ក្នុងនោះក៏មានការអញ្ជើញចូលរួម លោក មាន ចាន់យ៉ាដា អភិបាលរងរាជធានីភ្នំពេញ ទទួលផែន​អត្តសញ្ញាណកម្ម លោកឧត្តមសេនីយ៍ទោ មិន សុផេត ស្នងការរងទទួលផែនអត្តសញ្ញាណកម្ម និង​លោកនាយការិ​យាល័យអត្ត​សញ្ញាណប័ណ្ណសញ្ជាតិខ្មែរ លោកនាយការិយា​ល័យ​គ្រប់គ្រងការស្នាក់នៅ លោកអភិបាលរង លោកអធិ​ការរង​ទទួលផែនអត្តសញ្ញាណកម្ម តំណាងសាលា​ដំបូង​រាជធានី លោក លោកស្រី ចៅសង្កាត់​លោកនាយប៉ុស្ដិ៍​ លោកមេភូមិ​ និងតំណាងកម្មករ និយោជិក ក្រុមហ៊ុន រោងចក្រ សហគ្រាស សរុបរួមចំនួន ៣១៥នាក់៕