ខេត្តពោធិ៍សាត់៖ នៅរសៀលថ្ងៃចន្ទ ២រោច ខែមាឃ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១០ ខែកុម្ភៈ ឆ្នាំ២០២០ លោកឧត្ដមសេនីយ៍ត្រី នូវ តាល់ ស្នងការរង​ទទួលផែន​ការងារអត្តសញ្ញាណកម្ម នៃស្នងការដ្ឋាននគរបាល​ខេត្ត​ពោធិ៍សាត់ បានអញ្ជើញចូលរួមក្នុងកិច្ចប្រជុំផ្សព្វផ្សាយ​សេច​ក្ដីសម្រេច​ ស្តីពី ​ការបង្កើតគណៈកម្មការដឹក​នាំការផ្តល់​លិខិត​រដ្ឋបាល និងលិខិតអត្រានុកូលដ្ឋានឱ្យសហព័ន្ធជាខ្មែរ កូន និងជនបរទេសអន្តោប្រវេសន្ត ក្នុងខេត្តពោធិ៍សាត់ ក្រោមអធិ​បតីភាព ឯកឧត្ដម សាយ សុជាតិ អភិបាលរង នៃគណៈអភិបាលខេត្ត។ ក្នុងកិច្ចប្រជុំនេះផងដែលក៏មាន​ការ​អញ្ជើញចូលរួម លោកស្នងការរងទទួល​ផែនការងារ​អន្តោប្រវេសន៍ លោកនាយកទីចាត់ការរដ្ឋបាលសាលាខេត្ត លោកអភិបាលក្រុង ស្រុកទាំង៧ លោកអធិការ​នគរបាលក្រុង ស្រុកទាំង៧ លោកនាយ​ការិ​យា​​ល័យ​អត្តសញ្ញាណប័ណ្ណ​សញ្ជាតិខ្មែរ លោកនាយការិល័យគ្រប់គ្រងការស្នាក់នៅ លោកប្រធានការិយាល័យអត្រានុកូលដ្ឋាន លោកមេឃុំ ចៅសង្កាត់ ក្រុង ស្រុក លោកនាយប៉ុស្តិ៍រដ្ឋនគរបាលរដ្ឋបាល ឃុំ សង្កាត់ ព្រមទាំងមន្ត្រីដែលពាក់ព័ន្ធសរុបចំនួន១៥០នាក់៕