ខេត្តកំពង់ចាម៖ នៅថ្ងៃអង្គារ ៣រោច ខែមាឃ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១១ ខែកុម្ភៈ ឆ្នាំ២០២០ នៅសាលប្រជុំផែនការងារអត្តសញ្ញាណកម្ម នៃស្នងការដ្ឋាននគរបាលខេត្តកំពង់ចាម លោកវរសេនីយ៍ឯក ខេង ស្រេង ស្នងការរងទទួលផែនការងារអត្តសញ្ញាណកម្ម បានដឹកនាំកិច្ចប្រជុំបូកសរុបលទ្ធផលការងារអត្តសញ្ញាណកម្ម ប្រចាំខែមករា ឆ្នាំ២០២០ និងណែនាំផ្សព្វផ្សាយការងារលើកទិសដៅអនុវត្តបន្ត សម្រាប់ខែកុម្ភៈ ឆ្នាំ២០២០។ ក្នុងកិច្ចប្រជុំនេះផងដែលក៏បានផ្សព្វផ្សាយសេចក្ដីសម្រេច ស្តីពី ការបង្កើតគណៈកម្មការដឹកនាំការផ្តល់លិខិតរដ្ឋបាល និងលិខិតអត្រានុកូលដ្ឋានឱ្យសហព័ន្ធជាខ្មែរ កូន និងជនបរទេសអន្តោប្រវេសន្ត ព្រមទាំងធ្វើការបើកផ្តល់សៀវភៅស្នាក់នៅ សៀវភៅគ្រួសារជូនគ្រប់ អធិការដ្ឋាននគរបាល ដើម្បីផ្តល់ជូនប្រជាពលរដ្ឋ៕