ទីស្តីការក្រសួងមហាផ្ទៃ៖ នៅថ្ងៃចន្ទ ២កើត ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៤ ខែកុម្ភៈ ឆ្នាំ២០២០ ឯកឧត្ដម នាយឧត្តសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញចូល​រួម​ក្នុង​កិច្ចប្រជុំពិភាក្សាលើសេចក្តីព្រាងច្បាប់ ស្តីពី អត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម ក្រោមអធិបតីភាព ឯកឧត្តម សន្តិបណ្ឌិត ម៉ៅ ច័ន្ទតារា រដ្ឋលេខាធិ​ការ​ក្រសួងមហាផ្ទៃ។ ក្នុងកិច្ច​ប្រជុំនេះ​ផងដែលក៏មានការអញ្ជើញ​ចូលរួមពី ឯកឧត្ដម ប៊ុន ហុន និងឯកឧត្ដម ឡាំ ជា រដ្ឋលេខាធិការ ក្រសួងមហាផ្ទៃ ឯកឧត្ដម ប្រធានក្រុមប្រឹក្សានីតិកម្ម ឯកឧត្ដម អគ្គនាយករង លោកប្រធាន អនុប្រធាននាយកដ្ឋាន ក្រុមការងារបច្ចេកទេស នៃអគ្គនាយកដ្ឋានអត្តសញ្ញាណកម្ម និងមន្រ្តីពាក់ព័ន្ធផងដែរ៕