ខេត្តកំពង់ចាម៖ នៅថ្ងៃព្រហស្បត៍៥កើត ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៧ ខែកុម្ភៈ ឆ្នាំ២០២០ ក្រុមការងារដឹកនាំផ្តល់ឡើងវិញនូវលិខិតរដ្ឋបាល និងអត្រានុ​កូលដ្ឋាន ដល់សហព័ទ្ធជាខ្មែរ កូន និងជនបរ​ទេស​អន្តោប្រវេសន្ត ដឹកនាំដោយលោកវរសេនីយ៍ឯក រស់ ម៉ុងសេង នាយការិយាល័យគ្រប់គ្រងការស្នាក់នៅ និងជាប្រធានអនុ​គណៈ​កម្មការអនុវត្តន៍ផ្ទាល់។ ក្នុងនោះ​ក៏មាន​ការ​អញ្ជើញ​ចូលរួមពី លោកនាយរងការិយាល័យអន្តោប្រវេសន្ត លោកអធិការរងក្រុងកំពងចាម លោក​មេប៉ុស្តិ៍នគរ​បាល​រដ្ឋបាលទាំង០៤ លោកចៅសង្កាត់ និងក្រុម​ប្រឹក្សា​សង្កាត់ទាំង០៤ មន្រ្តីអាត្រានុកូលដ្ឋានសាលាខេត្ត ព្រមទាំងមន្រ្តីដែលពាក់ព័ន្ធមួយចំនួន។ ជាមួយគ្នានោះ​ដែរក្រុមការងារបានធ្វើការណែនាំអំពីនីតិវិធីដល់ប្រជាពលរដ្ឋក្នុងការស្នើសុំមោឃភាព ឯកសាររដ្ឋបាល ដល់​គ្រួសារ​សហព័ទ្ធ​ជាខ្មែរ​ កូននិងជនបរទេសអន្តោប្រវេសន្ត ដើម្បីឱ្យពួកគាត់បានជ្រាបនៅអធិការដ្ឋាននគរបាលក្រុងកំពង់ចាម៕