អគ្គនាយកដ្ឋានអត្តសញ្ញាណកម្ម៖ បន្តអនុវត្តតាមគោល​ការណ៍ដឹកនាំ របស់ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម ដើម្បីបង្កើន​ប្រសិទ្ធភាពការផ្តល់សេវាអត្តសញ្ញាណកម្ម នាព្រឹកថ្ងៃអង្គារ ១០កើត ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ០៣ ខែមីនា ឆ្នាំ២០២០ ក្រុមការងារ​ដាក់ប្រអប់​សំបុត្រ​ទទួល​មតិ​សំណូមពរប្រជាពលរដ្ឋ ដឹកនាំដោយឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង និងជាប្រធាន​ក្រុមការងារ បានសហការជាមួយឯកឧត្តម អេង ច័ន្ទតារា អគ្គនាយករង និងជាប្រធាននាយក​ដ្ឋាន​អត្រានុ​កូល​ដ្ឋាន និងលោកឧត្តមសេនីយ៍ឯក ប៊ុន ធី ប្រធាននាយក​ដ្ឋាន​រដ្ឋបាល សរុប យកប្រអប់សំបុត្រ​ថ្មីចំនួន០២​បន្ថែម​ទៀត​មក​ដាក់នៅក្នុងបរិវេណអគ្គនាយកដ្ឋានអត្តសញ្ញាណកម្ម និងមុខ​នាយកដ្ឋានអត្រានុកូលដ្ឋាន ព្រមទាំងបានផ្សព្វផ្សាយជូនមន្ត្រី និងប្រជាពលរដ្ឋអំពីការផ្តល់ព័ត៌មានសេវាកម្មអត្តសញ្ញាណ​កម្មតាមកម្មវិធី GDI eServices និងលេខទូរស័ព្ទ Call Center របស់អគ្គនាយកដ្ឋានអត្តសញ្ញាណកម្មផងដែរ។