ខេត្តកំពង់ស្ពឺ៖ នៅថ្ងៃព្រហស្បតិ៍ ១១កើត ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៩ ខែមិនា ឆ្នាំ២០២០ ផែនអត្តសញ្ញាណកម្ម​ នៃស្នងការដ្ឋាននគរបាលខេត្តកំពង់ស្ពឺ បានចុះដឹកនាំប្រជុំផ្សព្វផ្សាយសេចក្ដីសម្រេច ស្តីពី ការបង្កើតគណៈកម្មការដឹកនាំផ្តល់ឡើងវិញនូវលិខិតរដ្ឋបាល និងអត្រានុកូលដ្ឋាន ដល់សហព័ទ្ធជាខ្មែរ កូន និងជនបរទេសអន្តោប្រវេសន្ត នៅសាលាក្រុងច្បារមន ខេត្តកំពង់ស្ពឺ​។ ក្នុងនោះផងដែលក៏មានការអញ្ជើញចូលរួមពី លោកអភិបាលរងក្រុង លោកនាយករដ្ឋបាលសាលាក្រុង លោកស្នងការរងទទួលផែនការងារអន្តោប្រវេសន៍ លោកនាយការិយាល័យចំណុះផែនអត្តសញ្ញាណកម្ម លោកអធិការរងទទួលផែនការការងារអត្តសញ្ញាណកម្ម និងលោកចៅសង្កាត់ទាំង០៥ ព្រមទាំងលោក​នាយប៉ុស្តិ៍​ទាំង​០៥។ នៅក្នុងកិច្ចប្រជុំនោះផងដែលក៏​បានធ្វើការផ្សព្វ​ផ្សាយ​សេចក្តីណែនាំស្តីពីវិធានការបង្ការការឆ្លងរាលដាល នៃវីរុស covid-19 ផងដែរ៕