ដើម្បីបង្ការ ទប់ស្កាត់ការឆ្លងរីករាលដាលជំងឺកូវីដ១៩៖ នៅថ្ងៃព្រហស្បតិ៍ ៣កើត ខែចេត្រ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៦ ខែមីនា ឆ្នាំ២០២០ នាយកដ្ឋានអត្តសញ្ញាណប័ណ្ណសញ្ជាតិខ្មែរ និងនាយកដ្ឋានលិខិតឆ្លងដែន ព្រមទាំងតាមបណ្តាសាខាផ្តល់លិខិតឆ្លងដែន លិខិតធ្វើដំណើរពលកររាជធានី-ខេត្ត រួមមាន៖ ទីស្នាក់ការផ្ដល់លិខិតឆ្លងដែនធម្មតា ផ្សារទំនើបអ៊ីអន២ ទីស្នាក់ការផ្តល់លិខិតធ្វើដំណើរ និងប័ណ្ណពលករកម្ពុជា ធ្វើការនៅបរទេស សាខាផ្សារស្ទឹងមានជ័យ សាខាលិខិតឆ្លងដែនប្រចាំខេត្តកោះកុង សាខាលិខិតឆ្លងដែនប្រចាំខេត្តបន្ទាយមានជ័យ(ប៉ោយប៉ែត) និងសាខាលិខិតឆ្លងដែនប្រចាំខេត្តបាត់ដំបង បានធ្វើការបាញ់ថ្នាំសម្លាប់មេរោគនៅក្នុងបរិវេណអគារបំពេញការងារ និងកន្លែងផ្តល់សេវាអត្តសញ្ញាណកម្ម ព្រមទាំងផ្សព្វផ្សាយវិធីបង្ការទប់ស្កាត់ការឆ្លងរីករាលដាលជំងឺកូវីដ-១៩ ជូនដល់មន្ត្រី និងប្រជាពលរដ្ឋដែលមកទទួលសេវាផងដែរ។