អគ្គនាយកដ្ឋានអត្តសញ្ញាណកម្ម៖ នៅព្រឹកថ្ងៃសុក្រ ៣កើត ខែពិសាខ ឆ្នាំជូត ទោស័ក ព.ស ២៥៦៣ ត្រូវនឹងថ្ងៃទី២៤ ខែមេសា ឆ្នាំ២០២០ ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បានដឹក​នាំកិច្ចប្រជុំស្ដីពី វឌ្ឍនភាព នៃកិច្ចប្រជុំលើលទ្ធភាពដាក់បញ្ជូល​សេវា​អត្តសញ្ញាណកម្ម ក្នុងយន្តការច្រកចេញចូលតែមួយ និងការពិនិត្យផ្ដល់យោបល់លើផែនការសកម្មភាព ឆ្នាំ២០២០ របស់អគ្គនាយ​ក​ដ្ឋានអត្តសញ្ញាណកម្ម។ ក្នុងកិច្ចប្រជុំនេះ​ផងដែរ​ក៏​មានការអញ្ជើញចូលរួម ឯកឧត្តម អគ្គនាយករង លោកប្រធាននាយកដ្ឋានទាំង០៧ លោក លោកស្រីអនុប្រធាននាយកដ្ឋាន ព្រមទាំង លោកនាយ​ការិល័យ ចំណុះអគ្គ​នាយកដ្ឋានអត្តសញ្ញាណកម្ម៕