អគ្គស្នងការដ្ឋាននគរបាលជាតិ៖ នៅថ្ងៃចន្ទ ៦កើត ខែពិសាខ ឆ្នាំជូត ទោស័ក ព.ស ២៥៦៣ ត្រូវនឹងថ្ងៃទី២៧ ខែមេសា ឆ្នាំ២០២០ នាសាលប្រជុំអគ្គស្នង​​ការដ្ឋាននគរបាលជាតិ ឯកឧត្តម ឧត្តមសេនីយ៍ឯក សុខ ឃន អគ្គនាយករង នៃអគ្គនាយកដ្ឋានអត្តសញ្ញាណកម្ម បានដឹកនាំក្រុម​ការងារ​នាយកដ្ឋានស្ថិតិប្រជាពលរដ្ឋ ជួបប្រជុំពិភាក្សាជាមួយ ឯកឧត្តម ឧត្តមសេនីយ៍ឯក ឆាយ គឺមឃឿន អគ្គស្នងការ​រង​នគរបាលជាតិ លើសេចក្តីព្រាងប្រកាសស្តីពី​ការកំណត់​បន្ថែមអំពីនីតិវិធី និងសមត្ថកិច្ច នៃការចេញសៀវភៅស្នាក់នៅ និងសៀវភៅគ្រួសារ។ ក្នុងកិច្ចប្រជុំក៏មានការអញ្ជើញ​ចូលរួម​លោកប្រធាននាយកដ្ឋានកិច្ចការប៉ុស្តិ៍ និងតំណាង​នាយ​ដ្ឋាន​បុគ្គលិក នៃអគ្គស្នងការដ្ឋាននគរបាលជាតិ។