អគ្គនាយកដ្ឋានអត្តសញ្ញាណកម្ម៖ នៅព្រឹកថ្ងៃព្រហស្បតិ៍ ១៥រោច ខែពិសាខ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២១ ខែឧសភា ឆ្នាំ២០២០ ក្រុមការងារប្រអប់សំបុត្រទទួលមតិសំណូមពរប្រជាពលរដ្ឋដឹកនាំដោយ ឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង នៃអគ្គនាយកដ្ឋាន អត្តសញ្ញាណកម្ម បានចុះបើកប្រអប់សំបុត្រ នៅមុខក្លោងទ្វារចូល និងបរិវេណអគ្គនាយកដ្ឋានអត្តសញ្ញាណកម្ម និងនាយកដ្ឋានអត្រានុកូលដ្ឋាន ដើម្បីប្រមូលយកមតិ សំណូមពររបស់ប្រជាពលរដ្ឋមក ដោះស្រាយប្រកប ដោយតម្លាភាព និងក្នុងគោលបំណងចូលរួមបង្កើនប្រសិទ្ធភាព នៃការផ្តល់សេវាអត្តសញ្ញាណកម្មឱ្យកាន់តែល្អប្រសើរ ស្របតាមគោលការណ៍ ដឹកនាំរបស់ថ្នាក់ដឹកនាំក្រសួងមហាផ្ទៃ និងឯកឧត្តម នាយឧត្តមសេនីយ៍ អគ្គនាយក នៃអគ្គនាយកដ្ឋានអត្តសញ្ញាណកម្ម។