នៅរសៀលថ្ងៃព្រហស្បតិ៍ ១៥រោច ខែពិសាខ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២១ ខែឧសភា ឆ្នាំ២០២០ ក្រុមការងារប្រអប់សំបុត្រទទួលមតិ​សំណូមពរប្រជាពលរដ្ឋ ដឹកនាំដោយលោកឧត្តមសេនីយ៍ត្រី ហម រដ្ឋា អនុប្រធានក្រុមការងារ តំណាងឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង នៃអគ្គនាយកដ្ឋានអត្តសញ្ញាណកម្ម និងជាប្រធានក្រុមការងារ បានចុះបើកប្រអប់សំបុត្រនៅមុខ នាយកដ្ឋានអត្តសញ្ញាណប័ណ្ណសញ្ជាតិខ្មែរ នាយកដ្ឋានលិខិតឆ្លងដែន សាខាផ្តល់អត្តសញ្ញាណប័ណ្ណសញ្ជាតិខ្មែរ ក្នុងបេឡាជាតិរបបសន្តិសុខសង្គម (ប.ស.ស) ទីស្នាក់ការផ្តល់លិខិតធ្វើដំណើរ និងប័ណ្ណពលករកម្ពុជាធ្វើការនៅបរទេស នៅជាន់ទី២ ផ្សារស្ទឹងមានជ័យថ្មី ទីស្នាក់ការផ្តល់លិខិតឆ្លងដែនធម្មតា និងស្នាក់ការផ្តល់អត្តសញ្ញាណប័ណ្ណសញ្ជាតិខ្មែរ ក្នុងផ្សារទំនើបអ៊ីអនមល២សែនសុខ ដើម្បីប្រមូលយក​មតិសំណូមពរ​របស់ប្រជាពលរដ្ឋមកដោះស្រាយប្រកបដោយតម្លាភាព និងក្នុងគោល​បំណង​ចូលរួមបង្កើនប្រសិទ្ធភាព នៃការផ្តល់សេវាអត្តសញ្ញាណកម្មឱ្យកាន់តែល្អប្រសើរ ស្របតាមគោលការណ៍ដឹកនាំរបស់ថ្នាក់ដឹកនាំក្រសួងមហាផ្ទៃ និងឯកឧត្តម នាយឧត្តមសេនីយ៍ អគ្គនាយក នៃអគ្គនាយកដ្ឋានអត្តសញ្ញាណកម្ម។