អគ្គនាយកដ្ឋានអត្តសញ្ញាណកម្ម៖ នៅព្រឹកថ្ងៃអង្គារ ៥កើត ខែជេស្ឋ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៦ ខែឧសភា ឆ្នាំ២០២០ ឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង និងជាប្រធានក្រុមប្រចាំ​ការសេវា​កម្ម​អត្តសញ្ញាណកម្ម និងប្រតិកម្មរហ័ស នៃអគ្គនាយកដ្ឋាន​អត្តសញ្ញាណកម្ម បានដឹកនាំកិច្ចប្រជុំពិនិត្យ​លទ្ធផល​ការងារ​ខែឧសភា និងលើកទិសដៅការងារបន្តខែមិថុនា ឆ្នាំ២០២០ របស់ក្រុមការ​ងារប្រចាំការសេវាកម្មអត្តសញ្ញាណកម្ម និងប្រតិកម្មរហ័ស (GDI eServices) ព្រមទាំងស្តាប់នូវមតិ យោបល់ សំណូមពរ បញ្ហាប្រឈមនានា​ដែលកើតមាន​ឡើងកន្លង​មក​ទាំង​របស់ប្រជាពលរដ្ឋ និងមន្ត្រី រួមទាំងទិសដៅដែល​ត្រូវ​អនុវត្តបន្តឱ្យស្របតាមគោលការណ៍ដឹកនាំរបស់ថ្នាក់​ដឹកនាំអគ្គនាយកដ្ឋាន សំដៅឱ្យការផ្តល់សេវា​អត្តសញ្ញាណ​កម្មបានល្អប្រសើរ។ កិច្ចប្រជុំនេះមានការចូលរួមពីលោក អនុប្រធាននាយកដ្ឋានលោកនាយ នាយរង មន្ត្រីការិយាល័យ​ស្រាវជ្រាវព័ត៌មាន និងការិយាល័យផ្សព្វផ្សាយអប់រំ ព្រមទាំង អនុប្រធាន សមាជិកក្រុមការងារ​ប្រចាំការសេវាកម្ម​អត្តសញ្ញាណកម្ម និងប្រតិកម្មរហ័ស នៃអគ្គនាយក​ដ្ឋាន​អត្តសញ្ញាណកម្ម៕