ទីស្តីការក្រសួងមហាផ្ទៃ៖ នៅព្រឹកថ្ងៃពុធ ៦កើត ខែជេស្ន ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៧ ខែឧសភា ឆ្នាំ២០២០ ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញ​ចូលរួមក្នុងពិធីផ្សព្វផ្សាយរបាយការណ៍ជាតិឆ្នាំ២០១៩ និងលើក​​ទិសដៅការងារឆ្នាំ២០២០ របស់គណៈកម្មាធិការ​ជាតិ​ប្រយុទ្ធប្រឆាំងអំពើជួញជូរមនុស្ស (គ.ជ.ប.ជ) ក្រោមអធិប​តី​ភាពដ៏ខ្ពង់ខ្ពស់ សម្តេចក្រឡាហោម ស ខេង ឧបនាយក​រដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានគណៈកម្មា​ធិការ​ជាតិ​ប្រឆាំងការជួញដូរមនុស្ស (គ.ជ.ប.ជ)។ កិច្ចប្រជុំនេះ​ផង​ដែរ​ក៏មានការចូលរួម ឯកឧត្តម លោកជំទាវ ថ្នាក់ដឹក​នាំ​ក្រសួងនានា រដ្ឋលេខាធិការ អនុរដ្ឋលេខាធិការ អគ្គលេខា​ធិ​ការ ឯកឧត្តមសន្តិបណ្ឌិត អគ្គស្នងការនគរបាលជាតិ ឯកឧត្តម លោកជំទាវ អគ្គនាយក អគ្គនាយករង អភិបាលរាជធានី ខេត្ត តំណាងអង្គភាពចំណុះក្រសួងមហាផ្ទៃ ព្រមទាំង អង្គការជាតិ អន្តរជាតិ និងស្ថាប័នពាក់ព័ន្ធជាច្រើនទៀត៕