ស្ដីការក្រសួងមហាផ្ទៃ៖ នៅព្រឹកថ្ងៃអង្គារ ៣កើត ខែអាសាឍ ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី២៣ ខែមិថុនា ឆ្នាំ២០២០ ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងកិច្ចប្រជុំឆ្លងផែនការ សកម្មភាព​ប្រចាំឆ្នាំ២០២០ របស់អគ្គនាយកដ្ឋានពន្ធនាគារ និងអគ្គលេខាធិការដ្ឋាន ក្រសួងមហាផ្ទៃ ក្រោមអធិបតីដ៏ខ្ពង់ខ្ពស់ សម្ដេចក្រឡា ហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ ។កិច្ចប្រជុំនេះក៏មានការ អញ្ជើញចូលរួមពី ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ ឯកឧត្តម តំណាង អគ្គស្នងការដ្ឋាននគរបាលជាតិ អគ្គនាយកដ្ឋានចំណុះ​ក្រសួងមហាផ្ទៃ និងអង្គភាពជំនាញ​ពាក់ព័ន្ធជាច្រើនផងដែរ។
មានប្រសាសន៍នៅក្នុងកិច្ចប្រជុំសម្ដេចក្រឡាហោម ឱ្យអង្គភាពពាក់ព័ន្ធនានាត្រូវយកចិត្តទុកដាក់ ដើម្បីពង្រឹង​រដ្ឋបាលសាធារណៈ ត្រូវបំពេញការងារមាន​ប្រសិទ្ធភាព។លើសពីនេះទៀត សម្ដេចក្រឡាហោម ស្នើឱ្យអង្គភាព និងអគ្គនាយកដ្ឋានពាក់ព័ន្ធឱ្យខិតខំប្រឹងប្រែង​ពង្រឹងគុណភាពអង្គភាព តាមរយៈគុណភាពមន្ត្រី ដោយប្រឹងប្រែងពង្រឹងការអនុវត្តតួនាទី និងភារកិច្ចរបស់ខ្លួន៕